خولی پیشەگەرانی تۆپی پێی تازەپێگەیشتووانی یانەکانی ئێراق بەردەوامە و لەو چوارچێوەیەشدا و لە جەولەی شەشەمی خولەکەدا، تازەپێگەیشتووانی یانەی پێشمەرگە لە دەرەوەی یاریگەکەیاندا و لە شاری #دهۆک# بوونە میوانی تازەپێگەیشتووانی #یانەی وەرزشی دهۆک#ی هەڵگری ناوی ئەو شارە.
لەو یارییەدا کە لە کاتژمێر 3:00 ی پاش نیوەڕۆی ڕۆژی هەینی #12-04-2024# بەڕێوەچوو تێیدا و هەر لە سەرەتایی نیوەی یەکەم یاریزانانی پێشمەرگە بە گڕوتینێکی گەرمەوە بینران و لە دوای چەندین هێرشی یەک لە دوای یەک سەرەنجام و لە خولەکی 20 ی ئەو نیوەیەدا یاریزان، (کارۆ پشتیوان)، توانی گۆڵی یەکەم و پێشکەوتن بۆ تیمەکەی، تیمی تازەپێگەیشتووانی یانەی پێشمەرگە تۆمار بکات، ئەمە و لە دوای ئەو گۆڵە تازەپێگەیشتووە پێشمەرگەکان باشتر بینران و لە نیوەی دووەم و لە خولەکی 88 دا، (دیار وریا)، ی یاریزانی پێشمەرگە توانی دووەم گۆڵی تیمەکەی تۆمار بکات.
لەگەڵ ئەوەی تازەپێگەیشتووانی یانەی دهۆک گۆڵێکیان تۆمار کرد بەڵام ئەنجامی کۆتایی لەبەرژەوەندی تازەپێگەیشتووە پێشمەرگەکان هیوای دواڕۆژی یانەکە کۆتایی هات و بە سێ خاڵی گرنگ و پڕ دەست کەوتەوە گەڕانەوە شاری سلێمانی، شاری ڕۆشنبیران.
جێگەی باسە تیمی تازەپێگەیشتووانی یانەی پێشمەرگە لە یاری داهاتووی دا میوانداری لە تازەپێگەیشتووانی یانەی دهۆک دەکات و ئەنجامی ئەو یارییەی دەبێتە هیوایەک بۆ گەیشتنی بە قۆناغی داهاتووی خولە پیشەگەرەکەی ئێراق.[1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 25
Γράψτε το σχόλιό σας για αυτό το προϊόν!