دێزە هات و ڕاستەڕێی دەکات و دەڕوات
ئەوانەی لە سەر ڕێباز و ڕێچکەی سوننەن، هاوشێوەی هاوسەرگیری (موتعە)ی شیعەکان پەنا بۆ شێوازی هاوسەرگیری (مسیار)دەبەن، لە هاوسەرگیری مسیاردا پیاو تەنیا بۆ سەر جێیی و گانکردن سەر لە ژنەکەی دەدات، ژنەکە خۆی کاروباری ناوماڵ و ئەرک و تێچوونی ژیانی لە ئەستۆدایه، ئینجا لە شارەکانی باشووری کوردستانیش کە زۆربەی خەڵکەکەی لە پەیرەوانی ڕێبازی سوننە و شافیعین، لێرە و لەوێ لە سەرەتای سەدەی بیست و یەکەمەوە کەسانی دەوڵەمەند و خواپێداو پەنا بۆ ئەو جۆرە هاوسەرگیرییە دەبەن، بەڵام بەشێوەیەکی گشتی خەڵکی کوردستان حەزی پێ ناکەن و پێیان کارێکی نەگونجاوە و لادانی کۆمەڵایەتی لێ دەکەوێتەوە، دێزە: هەرچەند ناوی کەر و گوێدرێژە بەڵام لێرەدا بەو پیاوە دەوترێت کە هاوسەرگیری مسیارەکەی کردووە، ڕاستەڕێی دەکات: ئەو ژنەی کە ئەو هاوسەرگیرییەی کردووە بەهۆی گەشەی هۆڕمۆنی و پێویستی بەسەرجێیی، کاتێک سەرجێیی لەگەڵ دەکرێت وەکوو پڕۆسەی ناووک هێنانەوەیە و دڵی دادەکەوێت و ڕاستەڕێ دەبێتەوە بۆ ماوەیەک، بۆیە پیاوانی گەڕەک لە #هەولێر# و دەوروبەری کاتێک ئەو پیاوە دەبینن کە دەچێتە ماڵە ژنە هاوسەرگیرییە مسیارەکەی دەڵێن: دێزە هات و ڕاستەڕێی دەکات و دەڕوات. [1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 9