هۆرامان گیرش دەسو ڕامیاراوە واردەن
ئی ماوە فرەترین هەواڵی سەرو مەعاشی و بی خزمەتی و بی زەڕی وزیێ ڕوە بەداخۆ چیوێ کە کەمترین هەواڵیش سەر بینی ئا هەواڵی بینی کە هۆرامانەنە ڕوەشا دایبنی ئینەیچ گیڵنوشۆ پەی نەبییەی میدیایێ بەهیزی پەی هۆرامانی جە کاتېونە چنەها کەناڵی هەنی پەی کرمانجی و بادینی و سۆرانی و هەتا دمایی کەچی هۆرامان هەمیشە کاتېونە کە هەرمانەشا پەنەش بېیەن ئامینی سابونشا دان چیرو پەیاشو هەرکەسیچ وەرانوەرو حیزب و ڕامیارەکانە قسیش کەردیبوو هەرچی ڕای بینی گیرتینیشا وەر تاکو کابراشا دەم کوت کەرڎەن بەداخۆ ئا ڕامیارە هۆرامییچە کە بە نامی هۆرامېیاوە پلەو پۆستشا هورگیرتەن هەفتێ جارێ مەیاوە سەرې هۆرامانی مڎا پیسە ئا خەڵکا کە بەرو هۆرامانیۆ مەیاو سەردانو هۆرامانی کەرا تەنیا پەی هورگیرتەو پلەو پۆستا پەی چواردەورو ویشا هۆرامی بییەیشا ویرگنوە بڕێچشا هەر ڕوەشا نېیەنە بە زوانو ئەڎایی ویشا کە هۆرامین قسی کەرا چوون پەنەشا عەیبا! جە کاتېونە کابرا کرمانجا و بادینیا ڕیک پیسە سۆرانی زوانەکا مزانو قسی کەرو کەچی هیچ کات نمی زوانو ویش فاڕو! یۊ چا هۆکارایچە کەمتەرخەمی وەرپەرسەکان کە بەنامی هۆرامی و هۆرامانیۆ بېیەن بە چیو زاندی چی؟ چوون ئەر ئا ڕامیار ڕاسشا واتێ پیسە ئی گرڎو مەسولا یاگەکا تەری ئینی خزمەتو ناوچەو ویشا کەرینی مەسولی پاسە هەن نەک حیزبەکەش حکومەتیچ هورگیڵوە وەنەش گرڎو ناوچەکەیش بە جیاوازی دەنگ و ڕەنگۆ مەیا پەشتیش گیرا چوون بی جیاوازی خزمەتو ناوچەکەیش کەرڎەن و بەردەوامیچا کەچی ئانی لاو ئیمە چواردەورەکەو ویچش باسش مەکەرا کولەکی تەڕەنە چوون کە بېیەن بە چیو حسابش پەی کەسی نەکەرڎەن و هیچش نەکەرڎەن جا عادەتێ بیتامما هەن کە بیمی بە چیوێ ئیتر ئەجومانە بینمی بە تەیارە نمەزانا کە پەی ئانەی کریانی بە چیو هەرمانی تەرو خەڵکی کەری خەیرو بەرەکەت پەی یۊ تەری و نەگبەتی پەی کاکی مەسولی! جا سور زانو کە نەفەری هەنی ئینەی واناوەو یاوناش بە مەسول و وەرپەرسەکا بەش پیسە ویش قسەکیما یاو لاشا! بەش چڵاکیارەو بزانا دنیا هەر ئارو نییا و سەوایچ می ئەر مەزاندی با بزاندی کە هۆرامان و هۆرامیی هیچ چەنەتا ڕازیی نېیەنی ڕەنگە ئی قسیمە کەمێ ناوەشە بوو بەس قسی هەقەیچ ڕەقەنە تەنیا نیەتم ئانەن وەرپەرسی چ حکومیی و حیزبیی بی جیاوازی چڵاکیارە و چەنی سەرو زوانو بنەو زوانیشا ئانەن ماچا پلەو پۆست وەسیلەن نەک هەدەفە ئانەی جی بەجێ کەرا و چڵاکیارە و بەیاوە پەی خزمەتو هۆرامانی
پڕۆژەو_ژیلا
پرۆژە و (ژیلا)ى پێک ئامان جەکۊمەڵە وتارێوە سەرو ئاڕستەکەرڎەى میللەت و هۆرامانى بەئاڕاستەو ئانەى چەنى تاو پسە میللەتیوە و کە خاوەن زمان و کلتور شارستانیەتین، جبەر و کیانى فەرمیۆ ویش کۆکەرەوە تاوە ئیدارە و ویش بیۆ.
تۆیچ پسە نوسەر یان هەر کەسایەتیەوە تاوى جەراو ماسنەجەر و هۆرامانى منى وتار یان نوسینەکەیت کیانى ئېمە ڕۊژانە پېت بڵاوکەرمېوە.
ڕێبوار هۆرامی.[1]
Αυτό το στοιχείο έχει γραφτεί σε (هەورامی - Kurdish Hawrami) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Αυτό το στοιχείο έχει προβληθεί φορές 19
Γράψτε το σχόλιό σας για αυτό το προϊόν!