ناڤبری ل سالا 1954 ێ ل گوندێ رەزگە ل دەڤەرا رێکان هاتیە سەر دونیایێ، ل سالا 1960 ێ وەکی هەر زاروکەکێ چوویە قوتابخانێ ل گوندێ خو، خاندنا خو یا سەرەتایێ وناڤنجی ل باژێرێ (میسل) بدوماهی ئینایە، پاشان و ل سالا 1973 ێ هاتیە دهوکێ و بەردەوامی ب خاندنێ دایە تا سالا 1975 ێ کو خاندنا خو ل خانوویا مامۆستایان بدوماهی ئینای، هەر ل سالا 1975 ێ هاتیە دامەزراندن وەک مامۆستا ل قوتابخانا (بێبو) ل ناحیا بێبو یا دەڤەرا نێروە - رێکان تا سالا 1976 ێ هاتیە ڤەگوهاستن بو قوتابخانا گوندێ خو رەزگە، پاشان ل سالا 1978 ێ دەمێ هەمی گوندێن دەڤەرێ هاتینە ڤەگوهاستن بو کۆمەلگەهان ژلایێ رژێما بەعسا ژ ناف چوی ڤه، مامۆستا (محەمەد سەعید) ئاکنجی بو ل کۆمەلگەها شێلادزێ.
خودێ ژێ رازی ل سالا 1970 تا 1973 ێ ئێک ژ ئەندامێن ئێکەتیا قوتابیێن کوردستانێ بوو ل (میسل) دیسان کارکریە دناڤ رێزێن رێکخراوێن جەماوەری و قوتابیان ل دهوکێ، ل سالا 1993 مامۆستایێ ناڤبری پلا شەرەفا ئەندامەتیێ وەرگرتیە دناڤ رێزێن پ.د.ک و بوویە کادر سەر ب لێژنا ناوچا ئامێدیێ ڤە.
ل سالا 1996 ێ بوویە سەرپەرشتێ پەروەردێ ل پارێزگەها دهوکێ، پشتی بو ماوەکێ درێژ خزمەتا قوتابیێن دەڤەرێ کری وەک مامۆستا و رێڤەبەرێ قوتابخانا.
ئارەزویا وی یا سەرەکی خاندن ونڤێسین بگشتی بو وبتایبەتی یا هەلبەست و چیروک و گوتارا وب هەردوو زمانێن کوردی و عەرەبی، و ژبەرهەمێن وی :
1- (دەما ئەڤین دبیتە یاری) پەرتوکەکە ل سالا(1999)ێ هاتیە چاپکرن وبەڵاڤکرن دناف (119) لاپەرێن ژ قەبارێ ناڤین دا (52) هوزانێن جورا و جور بەڵاڤکرینە و ژ وان ( دەما ئەڤین دبیتە یاری، وەڵاتێ من، چ ئێڤارە، خەون، چەند وێنەیەک، بگرنژە، دەریا، خویندەڤانا دەستی، شەهید، عەڤرەک، مانە شەرمە شەرمەزاری،وەڵات،.....و هتد).
2 - ب دەهان بابەتێن نڤیسین (گوتار و ڤەکولین)هەنە و هاتینە بەڵاڤکرن د زۆر رۆژنامادا وەک (کاروان، بەیان، خەبات، ئاسوی پەروەردە......هتد).
3 - چەندین هوزان و هەلبەست بەڵاڤکرینە د گەلەک رۆژنامادا وەک (کاروان، بەیان، خەبات، ئاسوی پەروەردە......هتد).
4 - چیروکا (پەشیمانی) بەری مرنا خو ب دیماهی ئینایە و نوکە ل بەر چاپێ یە.
5 - (مقالات فی السیاسە) هژمارەک گوتار و بابەتێن خودێ ژێ رازی نە ژ لایێ کورێ وی (مازن محەمەد سەعید) هاتینە کومڤەکرن و ل دەمەکێ نێزیک دێ هێنە چاپکرن.
هەژی گوتنێ یە کو زور جاران ل دهوک و ئامێدیێ و شێلادزێ بەشداری دکورێن هوزان خاندنێ دا کریه.
ل سالا 1998 دەملدەست هاتیە ڤەگوهاستن بو نەخوشخانا ئازادی ل دهوکێ ژ ئەگەرێن دیاربوونا ئێشا دلی و هەر ل وی دەمی هاتیە ڤەگوهاستن بو باژێرێ بەغدا ژبو ئەنجامدانا نەشتەرگەریێن (قسطرە و بالون).
ل 26-10-2003 دەمێ سەرەدانا قوتابخانا گوندێ دێرەشێ ل دەڤەرا ئامێدیێ و تایبەتی دەمێ زڤڕینێ ژ قوتابخانا گوندی و ل ناڤبەرا رێکا گوندێ دێرەشێ و پیرۆزانا ئەمرێ خودێ کریە