دواڕۆژ، بورهان یەحیا
ئەڤرۆ د کۆنگرەیەکێ رۆژنامەڤانی دا بەرپرسێ راگەهاندنا رێڤەبەرییا پۆلیسێن پارێزگەها #دهۆک# دیارکر کو؛ ل رۆژانێن جەژنێ و هەتا دوهی 45 روودانێن جودا هەبووینە و ژوان 4 دزی و 13 شەڕ و 15 روودانێن هاتنوچۆنێ و 831 وەرەقێن دۆلاری هاتبوونە دزین.
رائیدێ هێمن سلێمان بەرپرسێ راگەهاندنا رێڤەبەرییا پۆلیسێن پارێزگەها دهۆک ئەڤرۆ د کۆنگرەیێ رۆژنامەڤانی دا دیارکر کو؛ ل چار رۆژێن جەژنێ 2 کێشەیێن توندوتیژیێ هەمبەر ژنان هەبووینە و 3 تاوانبار ژبەر ڤەخوارنا مەیێ هاتینە گرتن و 2 کەس ژی ژبەر خراب بکارئینانا تۆرێن پەیوەندیکرنێ و ئەنترنێتێ ژلایێ پۆلیسان ڤە هاتینە گرتن و 4 تاوانبار ژی ژبەر کارێ خازۆکیێ هاتبوونە دەستەسەرکرن و 2 کەسێن دی ژبەر قومارێ هاتینە دەستەسەرکرن.
ناڤبۆری ئاماژەکر کو؛ ژبەر کریارا 4 دزییان 8 کەس هاتینە گرتن کو 4 ژوان ل تاخێ سەرهلدان کۆژمەیێ 16 ملیۆن دینار و 100 گرامێن زێڕی 66 وەرەقێن دۆلاری دزی بوون و ئێکسەر پشتی دوو دەمژمێران تاوانبار هاتینە دەستەسەرکرن و بۆ دادگەهێ هاتینە هنارتن و پارەیێ وی وەلاتی ژی ل بنگەهێ پۆلیسانە و دێ بۆ خودانی هێنە زڤراندن و 4 تاوانبارێن دی ل ناحیا شێلادزێ هاتینە گرتن کو ئەوان 6 دەفتەرێن دۆلاری دزی بوون و ملیۆنەکا دیناران و هەژمارەکا چەکێن پارەی دزی بوون کو دێ بۆ خودانی هێنە زڤراندن کو ب شێوەیەکێ گشتی هەر دوو دزی دبنە 831 وەرەقێن دۆلاری.
رائیدێ هێمن سلێمان راگەهاند کو؛ ب گۆرەی وێ هەژمارا مەزن یا ئاکنجیێن پارێزگەهێ دگەل ئاوارەیان و گەشتیارێن هاتینە دهۆک ئەڤ هەژمارا روودانان رێژەیەکا ناڤنجی یە و پلانا پۆلیسان ب رێژەیەکا باش سەرکەڤتی بوویە.[1]
07-09-2017
اێ مەقاڵە أ زوون (کرمانجی - Upper Kurdish (Arami)) نۆیسیائە، أڕا واز کردن بەخش أ زوون بنچێنە(اصلی)!أڕؤی آیکون
![](https://www.kurdipedia.org/images/flags/ku.png)
کلیک کەن
ئەڤ بابەت ب زمانا (کرمانجی - Upper Kurdish (Arami)) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
اێ بەخشە 4,538 گل سئرکریائە(دێینە)
نظر خود را در مورد این مقاله بنویسید!