وەک چاوەڕوان دەکرا، پاش کۆنتڕۆڵکردنەوەی حەویجە، بەپێی سیاسەتێکی پیلانگێڕانەی حکوومەتی عێراق بە پشتیوانی و هاوکاری هەردوو دەوڵەتی ئێران وتورکیا، بەرەبەیانی ڕۆژی 16/10/2017 میلیشیاکانی حەشدی شەعبی و هێزە چەکدارەکانی عێراق پەلاماری شاری کەرکووک و دەوروبەریان داو جارێکی دیکە شاری کەرکووکیان داگیرکردەوەو ئاڵای پیرۆزی کوردستانیان لەئاسمانی شاری کەرکووک هێنایە خوارەوە.
حزبی زەحمەتکێشانی کوردستان، وێڕای بەرزنرخاندنی مقاوەمەت و قوربانیدانی پێشمەرگەو خەڵکی خۆڕاگری شاری کەرکووک، داگیرکردنەوەی شاری کەرکووک و ناوچە کوردستانیەکان لەلایەن میلیشیاکانی حەشدی شەعبی و هێزەکانی عێراق لەلایەک و لەلایەکی تر پیلانی تەسلیمکردنی شاری کەرکووک بە توندی ڕیسواو شەرمەزار دەکات، هاوکات بێ لایەنی و بێ دەنگی کۆمەڵگەی نێودەوڵەتی لەئاست گەلەکۆمەکی هەرسێ دەوڵەتی داگیرکەری عێراق و ئێران وتورکیا، بەچەک و تانکی ئەمریکی هێرش کردنە سەر خەڵکی کوردستان شەرمەزارییە بۆ کۆمەڵگەی نێودەوڵەتی.
حزبی زەحمەتکێشانی کوردستان پێیوایە سەرەڕای گەورەیی پیلانەکە دژ بە ویست و خواستی گەلی کوردستان، بەڵام نەبوونی سیاسەتێکی هاوبەشی کوردستانی، ئەزموونی شکستخواردووی حوکمڕانی و یەکنەخستنی هێزی پێشمەرگەی کوردستان بەگشتی هۆکاری سەرەکی ئەم شکستە سەربازی و سیاسییە پێک دەهێنن، کە لە جیاتی هەنگاونان بەرەو پێشەوە گەلەکەمانی لەگەڵ بێ ئومێدی ڕووبەرووکردۆتەوە. بۆیە دەربازکردنی ئەم قۆناغەو شاندانە بەر بەرپرسیاریەتی تێپەڕاندنی مەترسییەکان، پێویستی بەکێتی و یەکڕیزی گەلەکەمان هەیەو حزبی زەحمەتکێشانی کوردستان نەفرەت لە لێکترازان و دوو ئیدارەیی و دابەشکردنی هەرێمی کوردستان دەکات.
مەکتەبی سیاسی حزبی زەحمەتکێشانی کوردستان
18-10-2017
اێ مەقاڵە أ زوون (کوردیی ناوەڕاست) نۆیسیائە، أڕا واز کردن بەخش أ زوون بنچێنە(اصلی)!أڕؤی آیکون
کلیک کەن
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
اێ بەخشە 3,885 گل سئرکریائە(دێینە)
نظر خود را در مورد این مقاله بنویسید!