هەرچەندی دەتکەمە بن زگ هەر دەبیەوە بە بن پاروو
وتراویشە(من هەر بە پاڵووت ئەکەم و تۆ هەر ئەبیتەوە بە پاشوو)، پاڵو واتە پەراسو، لەوڵاغی وەک گوێدرێژیش پاڵو واتە تەنگە، ئینجا کورتان یان کۆپان بۆ توندکردنی لەسەر پشتی گوێدرێژ پێویستی بە پاڵو و بن پاڵو هەیە، پاڵوو کورتانەکە لەناو تەنگەی لەبن زگی توند قایم و شەتەک دەدرێت و بن پاڵوش بۆ بن کلکی کەرەکەیە، ئه و پاڵووە هەندێجار(کەژوو و قایش و گوریس)ە، پالو بەسەر تەنگە و پەراسووەکانی وڵاغەکەیە و بن پاڵوش لەبن کلکی وڵاغەکەیه، بن پاڵو تەرس و میزی پێدا دەکرێت و شوێنی پاڵوو خاوێنە و ئه و بەزمەی نییە، ئەوە لە کوردەواردیدا بووە بە ئیدیۆم و خوازراوە بۆ کەسێک کە بتەوێت شوێن و مەقامێکی بەرزی بۆ دابنێیت کەچی ئه و له و ئاستە نەبێت و منالکارانە و هەرزانە هەڵسوکەوت بکات، زیاتر باوک دەیەوێت کوڕەکەی یان براکەی یان ئامۆزاکەی یان مامی بەرز بکاتەوە کەچی ئەویش نەتوانێت پێگەی خۆی ڕابگرێت، بەتەوسەوە به و جۆرە کەسانە دەوترێت هەرچەندی دەتکەمە بن زگ هەر دەبیەوە بە بن پاروو.[1]
اێ مەقاڵە أ زوون (کوردیی ناوەڕاست) نۆیسیائە، أڕا واز کردن بەخش أ زوون بنچێنە(اصلی)!أڕؤی آیکون
![](https://www.kurdipedia.org/images/flags/ku.png)
کلیک کەن
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
اێ بەخشە 687 گل سئرکریائە(دێینە)
نظر خود را در مورد این مقاله بنویسید!