سکرتێرە 07
لاچاوم هەرتۆقیبوو، دەتگۆ سەرکە تورە دەرپەڕیە، کلینسم پێوەنابوو، چاوم هەر ئاوی دەکرد، وەزعەکەش هەر شلۆق دەبوو، پەرلەمانتارەکان تێک گیرببوون و بەهیچ هێور نەدەبوونەوە، سەرۆکی پەرلەمان مرد هەنکی چەکوچی لەمێزیداو برێ : دانیشن، هێوربن، هێمن بن، شەڕمەکەن..! کەس گێی نەدەدایێ، سەرۆک وەزیران گەڕاوە لای مایکەکەی و گۆتی : تکایە دانیشن، دەکرێ لەسەر ئەو پاڵێورایەی دانووستانی بکەین و بگەینە ئەنجامەکی، جارێ دەنگی لەسە مەدەن و ڕایگرن..!! باشبوو بەو قسانە وەزعەکە بەرەو هێوری چوو، سەرۆک پەرلەمانیش دیسان داوای کرد ئەندامەکان دانیشنەوە، خوا ڕەحمی کرد جەماعەت دانیشتنەوەو و ناو هۆری هێور بۆوە، سەرۆک وەزیران چوو کەتە دانووستان و چپەچپی لەگەر سەرۆکی کوتلەکان و باشبوو گەیشتنە ئەنجام و سەرۆکی پەرلەمان گۆتی : نیوسعات پشووەکی بدەن و وەرنەوە..! چبکەین چارەمان نەبوو، هەستاین چووینە دەرێ، ئەمن هەردەستم بەچاوم وەبوو، ئەو وەزیرانەی سووندیان خواردبوو، هاتن ئەحواریان پرسیم، وەزیری تەندروستی گۆتی : خەمت نەبی، هەر ئەوڕۆ سبەکی دەست بەکاربم دەتنێرمە دەرێی ورات و لەحسابی دەوڵەت چارەسەرت دەکەین، ئەگەریش دەرێی لێرە چ دختۆرەکت پێباشە، دەنێرینە دووی بابێ فەحسەکی هوردت لۆبکا، وەلەو ئەمن چوونە دەرەکەم پێ باشترە، بەگێی من دەکەی خۆت نادەیە بەر دەستی دختۆرەکانی ئێرە، وەزیری کشت وکاڵیش گۆتی : ئەوە قسەی ڕاست و دروستە..! گۆتم : بابە هیچ نیە، شتەکەی واگەورە مەکەن، لنگە پێراوەک قابیلە چیە، ئەمە ڕۆژێ هەزار لنگە پێراوی ئەوهامان پێدەکەوی لەمارێ..!! وەزیری دارایی مرد هەنکی پێبکەنێ، چونکە زۆر قەرەویش بوو، لەگە پێکەنینێ بەرغەبابەی هەند عەنتیکە برندو نوی دەبوو، حەزت دەکرد بەس تەماشای بکەی..! وەزیری ئاوەدان کردنەوە هەریدایێ و گۆتی : ئەی سەلامەتبی جەنابی وەزیر، ئەمە مارمان بەو لنگە پێراوانە ئاوەدانە، گۆتم : کا خۆ ئەمن هێشتا سووندم نەخواردیەو کێ دەرێ دەبمە وەزیر، وەزعەکە ئەوها بڕوا زەحمەتە دەنگم بدەنێ و سووندی بخۆم..!! بەس ئەتوو بەمن برێ، وەکی سەرۆک وەزیران وتاری دەدا، ئەتوو لۆ وەها حەماست هەستابوو و هوڕ هوڕ دەگریای..!؟ سەری لەبن گێی نام و بەدزی گۆتی : کورە گریانی چ و حاری چ، لەودەمی پێشکەکی سندان کووشتی هات و خۆی بەکوونی چاوی دادام، ئیدی ئاو لەچاوم ڕانەدەوەستاو ئەمنیش بەفرسەتم زانی و دەستم بەلووشمەلووشمێ کرد، تانیم هجومی ئەو پێشکەی بقۆزمەوە لۆ بەرژەوەندیەکی تایبەتی..!!
ئەمە لە کافیتریایەکەی ڕاوەستابووین و قسەمان دەکرد، سێ چار کیژی جوانکیلە بە سنیان پاقڵاوەو شیرینیان دابەش دەکردو هەندەکیش شەربەتیان دەداینێ، شەربەتەکان هەموو ڕەنگەکی تێدابوو، ئەمن پاقڵاوەم نەخواردو گەزۆیەکی سلێمانیم هەرگرت، فووەکم لێکرد، هەرچی ئاردی سەری بوو کەتە ناو چڕوچاوی کیژە ناسکەکەی، بەستەزمانەی وەختبوو سنیەکەی لەدەستی بەربیتەوە، چابوو، وەزیری ڕێگەوبان و بەنداوەکان لەپشتەوە خۆی تێکردو نەیهێشت بەربیتەوە، زۆر داوای لێبوردنم لەکیژەکەی کرد، بەچڕو چاوەکی مۆن سەری لەقاندو ڕۆیی، وەزیری ئاوقاف پێکەنی و گۆتیە وەزیری ڕێگاوبان و بەنداوەکان : غەدداری مەددار باش خۆت لەو کیژەی کردو لەباوشێت کرد، ئەویش دەوی بەش کردەوەو ددانە هۆلیۆد سمایلەکانی بریقەی داوەو گۆتی : هەر شەڕەک لۆ جوامێرەکیە..! جەماعەت لە قریتەی پێکەنینێیان دا، لەهیکڕا وەزیری ئەشغال گۆتی : بێدەنگ بێدەنگ سەرۆک وەزیران هات، وەڵلا هەموو خۆمان بێدەنگ کردو بە مسەققەفی ڕاوەستاین، سەرۆک وەزیران یەکسەر هاتە کنەمن و گۆتی : خۆت حازرکە، ئەوجارە سڕەی تووە..! گۆتم : ئەمر دەکەی جەناب..! وەڵلا ئەو ڕۆیی لۆلای سەرۆکی پەرلەمانی، وەزیرەکانیش گۆتیانە من : یاڵلا لەسەر خێران، دەعوەتەکەی لوبنانمان حەرارکرد..!
لەو قسانە دابووین گۆتیان یاڵلا بڕۆنەوە ژۆرێ دانیشتن دەست پێدەکاتەوە، ئیدی هوردە هوردە چووینەوە ژۆرێ، سەرۆکی پەرلەمان وتارەکی داو گۆتی : سوپاس لۆ خوای کێشەکە چارەسەرکراو، ئەو پاڵێوراوە ڕاستە ڕابردووی زاهیرەن وابووە، بەران ژێر بەژێری تەنزیم بووەو لەناو نانە ڕەقەی نامەو دەرمان و چەک و پارەی دەناردە چیای، تکایە بەهەڵە لێی تێمەگەن..! سەرم لەبن گێی وەزیری نەفتی ناو گۆتم : بڕوات هەبی سەددام مابا دەیانگۆ ئەویش تەنزیم بووە..! گرژیەوەو گۆتی : ڕەحمەت لەبابت چیشت لەو حارەیە، خوا نانەکی دایێ و بەبێدەنگی بیخۆ..! پاشان سەرۆک وەزیرانیش وتارەکی داو گۆتی : وا کابینەی حکومەت تەواو دەکەین و دەنگی لەسەر دەدەین.. وەڵلا ناوی کابرای قوون بەدووکەری خیندەوەو چوو سووندی خواردو هاتەوە، جەماعەت پیرۆزباییان لێکردو گۆتیان : وەڵلا ئەتوو لە قورپی گەڕایەوە..! ئەویش پێکەنی و گۆتی : ڕەحمەت لەبابتان ئەمن سەی حەفت گوندانم پێ ڕەویە، وەها بە ئاسانی تەسلیم نابم..! وەڵلا سەرۆک وەزیران دەستی بەقسان کردەوەو گۆتی : با تەواوی کەین.. ناوی منی خیندەوە، ئەمنیش هەستامەوە، جەماعەت دەستیان بەچەپرە لێدانێ کرد، ویستم بڕۆم لۆلای مێزی سووند خواردنێ، سەرۆک وەزیران ناوی وەزارەتەکەی منی خیندەوەو گۆتی : جەنابیان پاڵێوراوە لۆ وەزارەتی کاروباری ژنان..!!!
٭٭٭٭٭٭٭٭٭٭٭٭٭٭٭٭٭٭٭٭٭٭٭٭
لەجێی خۆم ڕاوەستام و چاوم زەق بۆوە، لەناو هۆری پەرلەمانیش بووە پێکەنین و هەراو هۆریا، هەندەک دەستیان بەچەپرەو فیتە لێدانێ کرد، لاقم تێک ئاراو هەرچەند کردم نەمتانی بجولێم..! لەهەمووی سەیرتربوو هات و هاواری ژنەکان بوو، تێکڕا هاواریان دەکرد : نامانەوێ بابڕوا، نامانەوێ بابڕوا..! ژنەکی تەنگەستوری خڕەبنە لەوسەریڕا قیتبۆوەو هاواری کرد : وەڵلا ئێمە ناڕازین، یەعنی چی ئێوە هەر پیاو دەخەنە بانمان، وەڵڵا نامانەوێ ئەو پیاوە بێتە بانمان..! ئەعسابم نەما، ویستم دابەزمە سەری و برێم : هەی قووتە سنگ، خۆت دیتیە دەرێی دەببەی تورشی، ئاخر ئەتوو چی هەتا بێمە بانت..! ژنەکان تێکڕا قیت ببوونەوەو هاواریان دەکرد، زەلامەکانیش پێدەکەنین و سەریان بادەدا، تەماشایەکی سەرۆک وەزیرانم کرد، دیتم ئەویش سەری لێشێوابوو، نەیدەزانی چبکا، سەرۆکی پەرلەمانیش هەر دەیوویست وەزعەکەی هێور کاتەوە، جێگرە ژنەکەشی بەمستی مێزی دەکووتاو دەیگۆ بڕوخێ بڕوخێ، پیاو سالاری بڕۆخێ..! سەرۆک وەزیران ئاخیری هاتە قسەو گۆتی : خوشکانی بەڕێز دەنگۆ مەجال بدەن با ئەمن دوو قسەی بکەم، ئەمە چەند سارە هەر وەزیری ژنمان لۆ داناینە، بەران ئیشەکە فاشیل بووەو هیچی پێنەکرایە، ئەنگۆش هاوکاریتان نەکردیەو بەس کێشەتان لۆ دروست کردیە، ڕجاتان لێدەکەم، لێگەڕێن با ئەو جارە وەزیر پیاو بی، کێ دەرێ سەرکەوتو نابی..! ژنەکان زیاتر توڕەبوون و ئەوجارە بەمست و پێلەقەی وەرگەڕانە مێزەکەی پێشیان، ئێکەکیان بابووجی لەپێکردبۆوەو هەریدەشەقاندو دژی پیاوان هوتافی دەکێشا، ئەمنیش نەمدەزانی چبکەم، لەلایەک تەماشا قەفی سمێری خۆم دەکردو دەمگۆ : کورە وەڵلا ئەو سمێرەو ناو ژنانیان نەگۆتیە، لەلایەکیدی تەماشا وەزیرەکانم دەکرد هەموو لایکیان لۆ دەکردم و دەستیان لێکدی دەخشاند، بەزمانی حار دەیانگۆ وەڵلا ئەتوو بیتاقەت لۆ دەرچووەو پارووت کەتیتە ڕوونی، بریا ئەو وەزارەتە بدرابامە..!!
لەوهێن و منهێن و هەراو هۆریایەی نەمدەزانی چبکەم، ئاخیری تەکانم داخۆو چوومە تەنیشت سەرۆک وەزیران و ڕوخسەتم لێوەرگرت و کەتمە قسە، گۆتم : بەڕێزان، ئامادەبووانی ئازیز خوشکانی دڵسۆز، وەک دەزانن ئەمە لە قۆناغەکی هەستیار داینەو چار دەورمان بەدووژمن تەنرایە، پێویستمان بەیەکگرتن و قوربانی دان هەیە، بۆ ئەوەی بمینێین و بەردەوامی بەو قەوارەمان بدەین، دەبێ بەهوردی هەنگاو بنێین، چ لەئاستی ناوخۆ، چ دەوروبەر، چ نێو دەوڵەتی..! سەرۆک وەزیران گۆتی : واز لەو قسە قۆڕانە بینەو باسی مەسەلەی وەزارەت و ژنەکان بکە، ئەمن دوایێ ئەو قسانەدەکەم..!! بڕەک دامام و زانیم ڕاست دەکا، بەوەش زیاتر زانیم غەرەتم چونکە لەکاتی قسە کردنێ، ژنەکەی ڕازی نەبوو بچمە بانی، یەک بەدەنگی هەتا هێزی تێدابوو جڕتەکی لۆ لێدام و گۆتی : هووووووهووووووووهوووووو..!!
بەناچاری قسەکانم گۆڕی و بەعەشایری بەناو کەتم، گۆتم : قورعان بەهەقتان بە ساحێبتان، وەڵلا وەبیللا وەتیللا هەرسێکی ناوی خوایە، ئەمن ئاگام لێنەبووە لۆ ئەو وەزارەتەی داندرایمە، تازە وەکینگۆ زانیتم، بشمزانیبا ئەوەیە، شەرتبی نەمدەکرد، ڕووم لە ژنە زمتەستوورەکەی کردو گۆتم : نەهاوارکەو نەتڕم لێبەردە، مادام ئەنگۆ ڕازی نەبن ئەمن بێمە بانتان، دەوەڵلاهی ئەوە نەهاتم و مەمنونیش نەبن و دەستیشم ماچ ناکەن نایێمە بانتان..! کاکە بووە هەراو هۆریا، کۆمەرەکیان بابووجیان لەپێ کردەوەو لۆمنیان ڕاوەشاند، ئەمن خۆم دا پەنا سەرۆک وەزیران و ویستم بەپشتەوە دا هەرێم..! سەرۆک وەزیران گۆتی : ڕاوەستە بەجێم نێلی، گۆتم : بەنامووسم ئەو وەزارەتەی وەرناگرم ئەگە دنیا خرابی..! گۆتی : ڕاوەستە هەونکە ڕازیان دەکەم، گۆتم : پەخوای نایکەم..! گۆتی : دەفەرموو دەی، ئەوەیە دەرێ ئەوەی لۆگووکەری ڕێک دەکەوی لۆ ڕاوکەری ڕێک ناکەوی..!!!
مایتی....[1]