ڕۆڵی پاشگری (ساز) لە داڕشتنی وشەدا:
مۆرفیمی (ساز)، لە زمانی کوردیدا، دوو شێوەی هەیە، یەکێکیان لە شێوەی سادە دایە و بە واتای دروستکردن ڕێکخستن دێت، وەک: لە وشەکانی (سازان، سازکردن، ...هتد)، بەڵام ئەوەی دیکە، پاشگرە و ناوی پیشە دروست دەکات، وەک:
تەنەکە+(ساز)، (تەنەکەساز)
چەخماخ+(ساز)، (چەخماخساز)
ددان+(ساز)، (ددانساز)
هەروەها، ئەم پاشگرە، لە دروستکردنی زاراوەشدا، ڕۆڵ دەبینێت و لەم بوارەشدا، تا ڕادەیەک چالاکە، لەبەرئەوەی زاراوەش جۆرێکە لە وشە، ئه و ڕێگایانەی کە بۆ داڕشتنی وشە بەکاردێن، بۆ داڕشتنی زاراوەش بەکاردێن، لە دروستکردنی ئەم زاراوانەدا، ڕۆڵی هەیە، وەک: (بیناساز، تەلارساز، وشەساز، زاراوەساز، ...هتد).
ئەم پاشگرە، کاتێک پاشگری (ی) وەردەگرێت، بە واتای پیشەکە دێت، دەبێتە (سازی)، وەک:
بینا+(سازی)، (بیناسازی)
وشە+(سازی)، (وشەسازی)
زاراوە+(سازی)، (زاراوەسازی)
ڕستە+(سازی)، (ڕستەسازی)[1]