ناو: عەبدولکەریم
ناوی باوک: حەمە ئیبراهیم
نازناو: مەلا کەریم #سێگردکان#ی
ناوی تەواوی(عەبدولکەریم حاجی حەمە ئیبراهیم سێگردکانی)ە، لەساڵی(1937) لە خانەوادەیەکی ئایینی شارەدێی سێگردکان لە دایکبووە، لەتەمەنی(9) نۆ ساڵان لە(سێگردکان) چۆتە بەرخوێندن لەلای مامۆستا مەلا عەبدولقادر ئۆمەر عەبدوڵلا(#مەلا قادری ڕەش#) خوێندویەتی، ماوەیەکیش لەلای #مەلا سدیق ئیلنجاغی# لە گوندی #ئیلنجاغی گەورە# خوێندویەتی، دواتر بۆ خوێندن چۆتە ناوچەی ساڵەیی #کەرکووک# بۆ گوندی(بیرەسپان) لەلای(مەلا محەمەدی شەل) زانستی قورئان و فەرمودەی خوێندووە، دواتر بەرەو #کۆیە# هاتووە و لەگوندی(#گۆپتەپە#) لەلای مەلا(قادر عەبدوڵلا باپیر) زانستی تەجوید و فقهی خوێندووە، لەلای مەلا سەعید ئاوماڵی بابەتەکانی(نحو، سرف، بلاغە)ی خوێندووە لە گوندی(#بانەمورد#)ی شارەدێی دێگەڵە، ماوەیەکیش لە گوندی(#قەشقە#)ی بەستی شەرغە و دەرماناوی لەک(زانستی شەریعە)ی خوێندووە، پاشان دەچێتە گوندی(#سێکانی#) شارەدێی(سێگردکان) لەلای مەلا(محەمەد ئۆمەر مامیل) وانەی(عەقیدە)ی پێ ووتراوە، ماوەیەکیش بۆ خوێندن دەچێتە گوندی(عەمشە)ی #دووبز# و دواتر دەگەڕێتەوە لای مامۆستا(مەلا قادر عەبدوڵلا باپیر) لەلای ئه و مۆڵەتی مەلایەتی پێ دەدرێت لەسەرەتای شەستەکانی سەدەی بیستەمدا، نزیکەی(20)ساڵ لە گوندی(سێکانی) شارەدێی سێگردکان مەلایەتی کردووە، هەروەها لەگوندی بیرەسپان و قادر باغری ناوچەی ساڵەیی وانەی بە فەقێیان وتۆتەوە، ساڵی(1985) دەگوازرێتەوە مزگەوتی(ستخانە)ی شاری کۆیە، بۆ ماوەیەکیش دەگوازرێتەوە مزگەوتی(نور) لەشاری #هەولێر#، لەساڵی(1998)ەوە دەکرێتە پێش نوێژ و وتارخوێنی مزگەوتی(بێخود) لە شارەدێی #تەقتەق#، لەساڵی 2008ەوە خانەنشین دەبێت و ئێستا لە گەڕەکی ڕووناکی شارەدێی تەقتەق نیشتەجێیە.
لە خانەوادەی خۆی دوو برایتری مەلان بەناوەکانی(مەلا سدیق حاجی حەمە ئیبراهیم سێگردکانی و مەلا ڕەفیق حاجی حەمە ئیبراهیم سێگردکانی پێش نوێژ و وتارخوێنی مزگەوتی گۆرقەرەجی شارەدێی تەقتەق)ە.[1]
اێ مەقاڵە أ زوون (کوردیی ناوەڕاست) نۆیسیائە، أڕا واز کردن بەخش أ زوون بنچێنە(اصلی)!أڕؤی آیکون
![](https://www.kurdipedia.org/images/flags/ku.png)
کلیک کەن
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
اێ بەخشە 859 گل سئرکریائە(دێینە)
نظر خود را در مورد این مقاله بنویسید!