=KTML_Bold=ناوی زنجیرە چیای (زاگرۆس) لەکوێوە هاتووە؟=KTML_End=
سەرەتای بوونی کورد تەنانەت بەشێکی مرۆڤی کۆنیش زنجیرە چیای زاگرۆس و تۆرۆس بووە ، وشەی (زاگرۆس) پێکدێت لە دوو وشەی تێهەڵکێش ، وشەی [زاگ ی سومەری] کەبەمانای (لەدایک بوون) دێت ، لەگەڵ وشەی [ڕۆژ ی کوردی] کەبەمانای (ڕووناکی خۆر) دێت ، لێرەدا بەیەکگرتنی هەردوو وشەکە ناوی (زاگرۆس) پێکدێت واتە[لەدایک بوونی خۆر]، لەبەر ئەوەی خەڵکی ناوچەکە پێیانوابوو کە خۆر لەم زنجیرە شاخەوە لەدایک ئەبێت ، لەبەر ئەوەی یەکەم بینینی خۆر بریتی بوو لە دەرکەوتن لە پشتی ئەم زنجیرەشاخە زەبەلاحە ، لەوانەیە ناوە ڕەسەنەکە (زاگڕۆژ) بووبێت بەڵام یۆنانییەکان بەدەربڕینی زمانی خۆیان کردبێتیان بە (زاگرۆس) .
ئەوەی زۆۆر گرینگە لەم باسەماندا ئەوەیە وشەی (زاگ ی سومەری) هێشتا زیندووە لەناو زووبانی کوردیدا ، ئەمە لەکاتێکدا وشەی (زاگماک) ی کوردی واتە [بوون لەزگی دایک] .
زنجیرە چیای زاگرۆس درێژییەکەی (1500) کیلۆمەترە ، کە لە باکووری کوردستانەوە تا ڕێڕەوی هورمزە لە باشوورەوە ، بەرزترین پێگەی بریتییە لە لوتکەی (دانا) بەبەرزی (5098) مەتر کەئەکەوێتە ڕۆژهەڵاتی کوردستان. [1]