نامۊ بابەتۍ: ئازاڎیی ژەنۍ
نویسەرە: خانم شەریفی
خەمینەتەر چانەیە نېیەن پەی ژەنێ، وەختێو دوورانوو کناچەییش دەنگو قلەیش بۊ بە پەناگاو خەما، شاڎەبۊ و وەشحاڵە و خەم ڕەمنە، یەک جار یۊ بەی دلۍ ژیواش، غەریبە، نەشناس، پاسە بزانۊ فریشتێوە ئاسمانېیەن، ئامان شاباڵېش پەی وەشۍ کەرۊ. پەلۍ بزنۊ و باڵفڕەبۊ. بەڵام نە..
من ژەنایە فرۍ مژناسوو شۊنی چن ڕوا ژیوای هامبەشیشارە ئیتر ئا کناچە وەشحاڵە و شاڎا نېیەنۍ، ئیتر چەمېشا پرشنگی نمەشانا، قلەکاشا پەنگەمناو نمازا کریا بە نیمچە خۊوەیچ، ژەنایە مژناسوو هەزار جلۍ و بەرگۍ خەموو دلۍ دڵوو جەسەیشا نمەپۊژنارە، دەنگو ترپەو دڵیشا هەزار هاوارۍ بېدەنگېش چەنە خېزیاوە.
ژەنایە مەژناسوو بۍ ئانەیە لوایبا کەلاسوو بازیگەری، گەمەو هەزاران فیلماشا خولقنابۊ، دلۍ دڵیشا پەڕ جە خەم بەڵام، چنها زەردەخەنۍ زۊرەکیۍ سەرو لچاشاوە وەشۍ کەردېبا.
ژەنایە مژناسوو دلۍ بېدەنگیەکاشانە چنها ڕازۍ نەدرکیای هاوارۍ کەرا.
ژەنایە مژناسوو دلۍ چەمە قووڵەکاشا خەمۍ مەلەوانی کەرا.
پەی گردو کناچەکاو وەڵاتیم ئاواتە وازوو هیچ وەخت نەگنا دلۍ ژیواییوە ناحەزی، پېسەو ژەرەژۍ چوار دەورشا پەڕچین نەکریۊ، حەتا ئەر قەفەزیچشا جە تڵای وەش بیەبۊ.[1]