نامۊ بابەتۍ: خاتوو فەرزانە
کناچیە یەهەردارە و لێرەبەرزە
نویستەی: خانم شەریفی
بە هېزتەرین شاجوانەکۍ دەگاو بېسارانی، ئی خاتوونە وریای و کرژ و کۊڵۍ، شان بە شانوو ئەڎا و بابەیش هەرمانۍ ڕیکۍ مەوزۊ.
فەرزانە کناچیە ژیرە و وریای، بەڵام بە داخەوە نە چېویەش حاڵی بۊ و نە متاوۊ قسۍ کەرۊ.😔 تەنیا بە زوانی ئیشارە خەڵک قسېش چەنی مەکەرۊ. ئی خاتوونۍ حەر پی بۊنەوە مەحرووم کریاینە جە وانای.
فەرزانە دلۍ دەگاو بېسارانی جە حێرفەو مۆتر سۋاری قسۍ ئەوەڵی مەکەرۊ. دەگاو بېسارانی بە بۊنەو دووری هەوارەکاش و کەشە دوورە بەرزەکاش، نیازش بە موتری و مەهارتوو موترسۋاری فرەن. فەرزانە ئەوەڵین کناچیە بیېنە کە بە زاڕوڵەیی فېرەو موتر سۋاری بیېنه و ڕاش ماڵاینە پەی ڕەفېقەکاش شۊنی ئاڎېرە چن خاتوونێ تەر وېشا فېر کەردەن نەک پەی وەشی و وەشگوزەرانی، بەڵکووم هامکاری بنەماڵەیشا و یاوانیشا پەی سەرو باخی و هەوارە دوورەکا. هەر کەس نیازش بۊ بە جۊریە هەواڵ مڎۊ بە فەرزانەی تاکو کارش ڕېک وزۊ. حەر پی بۊنەوە ژەنی دەگای ئاسووڎەتەر ڕەفېقی چەنی تاقە شۆفېرەو دەگای هۊرمەچنا زووتەر وېشا مېیاونا هەوار.
فەرزانە دەرسش نەوانان، بەڵام فرە ژیرە و وریاینە، مەهارتیە فرەش هەن و بە ڕېک و پیکی دلۍ دنیای مەجازیچەنە هەنە.
فەرە عادڵانە بەرخورد مەکەرۊ و بە هیچ جۊر وەشش ناهەقی نمەی. چەمېش بێۍعەداڵەتی و ناهەقی نمەوینا، ئەر یەک جار موحېبەتش پەنە کەری پەی هەمیشەی وەروو چەماشوە هەن، دە جارۍ تەر بېیاویش پەنە مەشناسۊت و دیسان یادئاوری مەکەرۊوە.
ئاواتەو درېژی عەمری و لاشە ساقی و سەرکۆتەیی موازوو پەی ئی شاجوانە بە هېزۍ.[1]