بە بۊپشمینیچ مەیاوۊش پەنە:
پۊپشمین، پارچە قوماشێ گولانەن کە جە پارچېوە گۆرەی دڕاشەرە، ئایېرش منیاپۆ هەتا سۊچۊو بۊ بە بووڵە، بووڵەکېش بە دوۍ پەنجۍ گېراو منیاش سەرو زامێ یان یاگێ زامڎاری.
جارا کە خەڵکی دەسش نەیاوان بە داو و دەرمانی، پېسە دەوایێ پەی پېوەز ئاردەیۆ زامێ بەکارشا ئاوەردەن.
ۋستەنشا سەرو زامەکەی و بەستەنشا، تاکو یەک ڕۊ پۊشۆ بېیەن، وەختێ کەندەنشاوە زامەکەش ساڕېژ کەردەن.
ئانە هەرمانەو پۊپشمینی، بەڵام ئیدیۆمەکە باسش جە بۊوەو سۊتەکەیشەنە، چوونکوم پارچە قوماشەکە گولانەن، وەختێ سۊچناش بوێ کەمەش هەنە، واتەنشا فڵانە کەس بە بۊپشمینیچ مەیاوۊش پەنە، یانی قۆمایەتیشا فرە دوورا.[1]