=KTML_Bold=#عومەری سەید عەلى# و چەند سەرکردەیەک، پڕۆژەکەى چیا نەوشیروان مستەفا ڕەتدەکەنەوە=KTML_End=
ئەو ڕۆژەى کە #چیا نەوشیروان مستەفا# و ژمارەیەک لە هەڵسوڕاوى پێشووترى گۆڕان بۆ هەستانەوەى گۆڕان پێشکەشیان کردووە ناکۆکى توند دەخاتە نێوان چیا نەوشیروان مستەفا و عومەرى سەید عەلى.
ئەو پڕۆژەیەى کە لەلایەن ژمارەیەک هەڵسوڕاوى پێشووترى گۆڕان لەنێویان هەریەک لە (عەبدوڵڵا مەلا نوورى و برزۆ مەجید و کاوە محەمەد) لەگەڵ ژمارەیەک سەرکردەى پێشووترى گۆڕان بە هاوکارى چیا نەوشیروان مستەفا بۆ هەڵسانەوەى گۆڕان پێشکەشکراوە، ناکۆکى توند دەخاتە نێو سەرکردەکانى ئەو بزووتنەوەیە و سەکردە کۆنەکان و ئەوانەشى لە عومەرى سەید عەلى ڕێکخەرى پێشووى بزووتنەوەى گۆڕان نزیکن درووستکردووە و بە تەواوى پڕۆژەکە ڕەتدەکەنەوە.
بەشێکى ناوەرۆکى پڕۆژەکە تایبەتە بە درووستکردنى دەستەیەکى باڵاى کاتى بە تەواوى دەسەڵاتەوە بۆ گۆڕانکارییەکانى ناو بزووتنەوەکە و دانانى سیاسەتى نوێى بزووتنەوەکە و بەپێى بڕۆژەکەش تەواوى سەرکردەکانى گۆڕانى ئێستا دەچنە ماڵەوە دواتر لیژنەکە بڕیار لەسەر چارەنووسیان دەدات.
ناوەرۆکى ئەو پڕۆژەیەى کە بووەتە هۆکارى ناکۆکى نێوان سەرکردە کۆن و نوێیەکان و چیا نەوشیرون مستەفاش پشتگیرى دەکات پرسى ڕێکخەرى گشتیى یەکلانەکردۆتەوە. لەگەڵ ئەوەشدا لە پڕۆژەکەدا داوا دەکرێت گەرەنتى یاسایى وەربگیرێت بەمەبەستى بەکارهێنانى گردى زەرگەتە لەلایەن #بزووتنەوەى گۆڕان#.
لەگەڵ ئەوەى تاوەکوو ئێستا پڕۆژە نوێیەکەى بزووتنەوەى گۆڕان بە تەواوى سەرکەوتوو نەبووە، کەچى ژمارەیەک لە سەرکردەکانى پێشووترى خانەى ڕاپەڕاندن و جڤاتى نیشتمانى و گشتیى و عومەرى سەید عەلى ڕەتیدەکەنەوە و پێیانوایە ئەو پڕۆژەیە بە ئاڕاستەى دەرکردنى ئەوانە و لەبەر ئەمەشە عومەرى سەید عەلى بەهۆى ناکۆییەکانى لەگەڵ چیا نەوشیروان مستەقا و پڕۆژە نوێیەکە هەرێمى کوردستانى جێهێشتووە. [1]