بزە پەی یەک شەوی یاگۍ وېش پاکە کەرۊوە
زەریفی مروڤی ئینا بە یاگۍ ژیوایشۆ، کەسی ئاقڵ و دانا یاگۍ ژیوایش پاک و پۊختۍ و دڵگیرەنە، چوونکوم یاگۍ ژیوای و پۊشاک و لاشەی ڕەنگدایۆ مەژگینۍ، مەژگی سەلیم بەرهەمی سەلیم درووس کەرۊ.
بڕێ خەڵکېچ فرە گۊش نمەڎا بە پۊشاکی و یاگۍ ژیوایشا، گوزەرانشا چەنی گوزەریۊ گرفتێ نېیەن.
یاگۍ ژیوای ڕەنگە وەختیە بۊن، پەی چن شەوێ، یان چن مانگێ، بەڵام هەر مەشۊم ڕېک و پېکەو پۊختۍ بۊن.
وەختێ چەنی ئا جۊرە کەسا ڕات مەگنۊ یاگێ، شەوۍ مەندێ، پېسە کەش و کۊی یان دلۍ باخی، ئاڎۍ گۊش نمەڎا بە یاگەکۍ، بە پیس و پۊخڵی گوزەرناش، زوېڵ و خاشاک جېیا مازان، پەوکەی بە تالېقۆ پەنەشان ماچان: بزە پەی یەک شەوی یاگۍ وېش پاکە کەرۊوە، شمە غیرەتو ئانەیتا نېیەن چەنە.[1]