Panorama 2023-4
Li Bakur û Rojhilatê Sûriyeyê rengê jinê.
SILAVA EBDUREHMAN
Tevger û saziyên jinan ên li Bakur û Rojhilatê Sûriyeyê mohra xwe li xebatên siyasî, civakî, çandî xistin.
Li Bakur û Rojhilatê Sûriyeyê rêxistin û tevgerên jinan ji bo perwerdekirin û birêxistinkirina jinan di tevahî qadan de û ji bo nasandina wan bi mafên wan, gelek xebat dan meşanind. Her wiha ji bo pêkanîna azadiya fîzîkî ya Rêber Abdullah Ocalan çalakiyên cur bi cur li dar xistin.
$PERWERDE$
Rêxistinên jinan ji bo xilaskirina civakê ji zîhniyeta baviksalar gelek dewreyên perwerdeyê bi rêxistin kirin.
- Kongra Star akademiyek bi navê Şehîd Karker Çiya li Şehbayê vekir.
- Kongra Star bi tevlêbûna 285 mêran, 14 dewreyên perwerdeyê vekirin.
Kongra Star di nava salê de 109 dewreyên perwerdeyê yên vekirî bi rêxistin kirin. Hezar û 560 jin beşdarî van perwerdeyan bûn. Her wiha bi beşdarbûna 265 jinan 22 dewreyên perwerdeyê vekirin.
Li kantonên Cizîrê, Firat, Şehba û taxên Şêxmeqsûd û Eşrefiyê yên Helebê 2 hezar û 957 semînerên li ser rêbazên têkbirina zîhniyeta baviksalar organîze kirin.
Li Cizîrê Firat, Şehba û Helebê 263 meş ji aliyê Kongra Star ve hatin lidarxistin û 32 daxuyanî hatin dayîn.
8′ê Çileyê Rêxistina Sara ya Têkoşîna li dijî Tundiya li ser Jinan di salvegera 10′an a Komkujiya Yekemîn a Parîsê de navenda xwe li Helebê vekir.
14′ê Çileyê Meclisa Edaleta Civakî ya Dêrazorê civîna xwe ya salane li dar xist.
Ji 15′ê Sibatê heta 4′ê Nîsanê Platforma Jinan a Ekolojiyê ya Rojava pêngava parastina jîngehê li dar xist.
16′ê Sibatê jinên li Bakur û Rojhilatê Sûriyeyê derdora 11 hezar name ji Rêber Abdullah Ocalan re şandin.
4′ê Adarê Desteya Rêveberiya Herêmî û Jîngehê ya Bakur û Rojhilatê Sûriyeyê bi koordîneya Koordînasyona Jinan a Bakur û Rojhilatê Sûriyeyê û Navenda Lêkolînên Jineolojî panela bi mijara jin û rola wan di Desteya Rêveberiya Herêmî û Jîngehê ya Bakur û Rojhilatê Sûriyeyê de li dar xist.
7′ê Adarê Şaredariya Gel li navçeya Çilaxa ya Kantona Cizîrê parka jinan vekir.
8′ê Adarê bi boneya Roja Jinan a Cîhanê, li Qada Îtfaiyê (Agirkujiyê) ya li bajarê Reqayê perde li ser peykerê jina kedkar a Firatê hat rakirin.
Di çarçoveya çalakiyên bi boneya 8′ê Adarê de, Platforma Çalakiyên Hevbeş a Tevger û Rêxistinên Jinan ên Bakur û Rojhilatê Sûriyeyê, 901 semîner bi beşdarbûna 11 hezar û 707 kesan dan.
15′ê Gulanê Akademiya Şehîd Zeyneb Saroxan li bajarê Hesekê hat vekirin.
23’yê Gulanê hejmara yekemîn a Kovara Afaq El Meraa derket.
6′ê Tîrmehê Kombûna Jinan a Zenûbiya di kongreya xwe ya 2′yemîn de ku li Reqayê pêk hatibû, her çar nivîsên xwe yên li Reqa, Minbic, Tebqa û Dêrazorê veguherandin meclis.
8′ê Tîrmehê, Meclisa Giştî ya Jinan a Partiya Sûriyeya Pêşerojê pêngaveke siyasî û civakî têkildarî çawaniya sepandina têgeha hevjiyana azad û têkoşîna li dijî tundiya li ser jinan ragihand. Pêngavê mehek û 15 rojan dewam kir.
1′ê Tebaxa her çar meclisên Kombûna Jinan a Zenûbiya bi dirûşma Bi hev re em civaka xwe biparêzin û ewlehiyê mîsoger bikin pêngaveke ji bo hişyarkirina ji xetereyên narkotîkê û zewicandina zarokan ragihand. Di pêngava ku du mehan dewam kir de 113 civîn û semîner hatin organîzekirin.
4′ê Cotmehê li Helebê Akademiya Lêkolînên Jineolojiyê hat vekirin.
18′ê Cotmehê, Yekitiya Jinên Ciwan a Bakur û Rojhilatê Sûriyeyê bi beşdarbûna derdora 100 kesan panelek li dar xist.
31′ê Cotmehê, Meclilsa Jinan a PYD′ê qonaxa 4′emîn a çalakiyên xwe yên li dijî tundiya li ser jinan ragihand.
Bi boneya 25′ê Mijdarê Roja Têkoşîna li dijî Tundiya li ser Jinan, Platforma Çalakiyên Hevbeş a Rêxistin û Tevgerên Jinan ên li Bakur û Rojhilatê Sûriyeyê, bi tevlêbûna 12 hezar û 399 kesan 655 semîner dan.
$ÇAND Û HUNER$
Tevgera Hîlala Zêrîn a Çanda Jinan a li Bakur û Rojhilatê Sûriyeyê, li ser asta herêmê dewreyeke perwerdeyê ya bîrdozî bi beşdarbûna 24 endaman vekir.
1′ê Adarê, 8′emîn Mîhrîcana Wêje û Hunera Jinan bi dirûşma Jin, Jiyan, Azadî li kantona Cizîrê hat lidarxistin.
2′ê Adarê Tevgera Hîlala Zêrîn navenda xwe li Reqayê vekir.
23′yê Tîrmehê, Yekitiya Jinên Ciwan Mîhrîcana Werzîşê ya Şehîd Nûjiyan Ocalan li kantona Reqayê li dar xist.
19′ê Îlonê 6′emîn Mîhrîcana Şehîd Bawer a Govendên Gelêrî li bajarokê Rimêlanê yê Kantona Cizîrê li dar xist.
29′ê Îlonê Tevgera Hîlala Zêrîn 3′yemîn Mîhrîcana Zarokan li Helebê li dar xist.
Ji 24′ê Cotmehê heta 22′yê Mijdarê 4′emîn Mîhrîcana Şehîd Stêrvan ji aliyê Yekitiya Jinên Ciwan ve hat lidarxistin.
$DÎPLOMASÎ$
11′ê Sibatê ji Brîtanyayê şandeyekê serdana Kongra Star kir.
11′ê Sibatê li ser vexwendina Zanîngeha Emeden/Leer a Almanyayê, şandeyek ji beşê Jineolojiyê ya Zanîngehên Rojava û Kobanê serdana Almanya kir.
28′ê Sibatê nûnerên Kongra Star beşdarî kongreya ji bo azadiya Rêber Abdullah Ocalan bûn ku li Afrîkaya Başûr hatibû lidarxistin.
6′ê Adarê şandeyek ji Skotlandê bi boneya 8′ê Adarê serdana Kongra Star kir.
9′ê Adarê şandeyeke ji Belçîkayê serdana Kongra Star kir.
12′ê Adarê şandeyeke ji Fransayê serdana Kongra Star kir.
2′yê Nîsanê şandeyek ji parlamentoya Fransayê serdana Kongra Star kir.
30′ê Gulanê nûnerên Kongra Star bi cîgirê wezîrê karên derve yê DYA′yê re civiya.
13′yê Hezîranê, Kongra Star beşdarî Kongreya Bi hev re ber bi Rojhilata Navîn a Demokratîk ve-Rêya Aştiyê bû ku li Lubnanê hatibû lidarxistin.
25′ê Hezîranê Navenda Zanist, Lêkolîn û Arşîvê ya Nivîsgeha Jinên Kurd li Silêmaniyê vebû.
16′ê Tîrmehê şandeyeke ji Katalonyayê serdana Kongra Star kir.
18′ê Tebaxê şandeyeke Kongra Star serdana Bexdayê kir.
18-19′ê Tebaxê kongreyeke jinan li paytexa Lubnan Beyrûtê hat lidarxistin. Şandeyên ji Şengel û Rêveberiya Xweseriya Demokratîk a Herêma Bakur û Rojhilatê Sûriyeyê jî di nav de 80 çalakvanên jin ên ji welatên Ereban û Afrîkayê beşdarî kongreyê bûn.
18′ê Cotmehê şandeyeke Kongra Star serdana Misirê kir.
Li gorî daxuyaniyên Mala Êzidiyan, YPJ′ê di dîrokên cûda de 4 jinên êzidî rizgar kirin ku di sala 2014′an ji aliyê çeteyên DAIŞ′ê ve hatibûn revandin.
$KONFERANS Û KONGRE$
2′yê Sibatê Yekitiya Jinên Ciwan a Kantona Cizîrê bi dirûşma Bi rihê ciwantiyê yê Nûjiyan û Viyanan serbixin cenga azadiyê konferansa xwe ya 3′yemîn li Qamişloyê li dar xist.
18′ê Sibatê Yekitiya Jinên Ciwan a Bakur û Rojhilatê Sûriyeyê der barê Komploya Navneteweyî ya li dijî Rêber Abdullah Ocalan de konferansek li dar xist.
30′yê Gulanê Meclisa Kombûna Jinan Zenûbiya ya Dêrazorê konferansa xwe ya yekemîn li dar xist.
1′ê Hezîranê Meclisa Kombûna Jinan a Zenûbiya ya bajar Minbic û gundewarê wê konferansa xwe ya yekemîn li dar xist.
5′ê Hezîranê Meclisa Kombûna Jinan a Zenûbiya ya Tebqayê konferansa xwe ya yekemîn li dar xist.
10′ê Hezîranê Yekitiya Jinên Ciwan Konferansa Jinên Ciwan ji bo Rêbertî li ser asta Bakur û Rojhilatê Sûriyeyê lidar xist.
6′ê Tîrmehê Kongreya 2′yemîn a Kombûna Jinan a Zenûbiya li Reqayê hat lidarxistin.
14′ê Tîrmehê Hêzên Parastina Civakî (HPC-Jin) konferansa xwe ya duyemîn li ser asta Bakur û Rojhilatê Sûriyeyê li dar xist.
2′yê Tebaxê Konferansa 2′yemîn a Mala Jin a Bakur û Rojhilatê Sûriyeyê li dar ket.
7′ê Tebaxê panelek ji bo piştgiriya jinên Şengal û Efganistanê li avahiya Zanîngeha Şerq a li Reqayê hat lidarxistin.
25′ê Tebaxê Konferansa 2′yemîn a Meclisa Jinan a Meclisa Malbatên Şehîdan a Bakur û Rojhilatê Sûriyeyê hat lidarxistin.
15′ê Mijdarê foruma jinên eşîran li Reqayê hat lidarxistin.
1′ê Kanûnê Konferansa 2′yemîn a Yekitiya Jinên Êzidî li Helebê hat lidarxistin.
6′ê Kanûnê Platforma Jinan a Ekolojiye bi daxwaza aşkerakirina rewşa Rêber Abdullah Ocalan û azadiya wî ya fîzîkî pêngavek ragihand. Di pêngava ku dê mehekê dewam bike de, her roja çarşemê çalakî hatin lidarxistin.
$ABORÎ$
20′ê Sibatê Komîteya Aborî ya Kombûna Jinan a Zenûbiya pêngava çandina derdora 4 hezar û 500 donim rezan li Reqayê da destpêkirin.
24′ê Sibatê Koordînasyona Jinan a Komîteya Çandinî û Avdanê ya Tebqayê projeya baxçeyên sergirtî û şitilgehekê da destpêkirin.
Ji 1′ê heta 7′ê Adarê Nivîsgeha Jinan a TEV-DEM′ê di çarçoveya Projeya Jiyan de 3 hezar û 800 darên berhemdar li Dêrikê û deriyên sînor ên Sêmalka û Welîd çandin.
23′yê Mijdarê Komîteya Jinan kargeheke dirûtinê li navçeya Dirbêsiyê vekir.[1]