نە پیاوی کۆرەدێ، نە سەی شارەدێ
لە سنووری دەشتەکییەکانی #هەولێر# چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (نە پیاوی کۆرەدێ، نە سەی شارەدێ)، کۆرەدێ: کوێرە دێ ئەو گوندەی دوورە لە شارستانی، شارەدێ: ئەو گوندەی کرابێتە یەکەیەکی کارگێڕی و فەرمانگەی جۆراوجۆری حکومی تێدا بکرێتەوە، پیاوی گوندی دوورە دەست و شاری تێکەڵاوی لەگەڵ خەڵکیدا کەم بووە و بیروبۆچوون و ئاسۆبینی کەمە و دووربین نییە، بۆ ڕاییکردنی کاروباری خەڵکی گونجاو نییە، سەگی تاقە ماڵ و دوورە هەوار و ئاوەدانی زۆر ئازا و دڕ و چاونەترس دەبێت و دەبێتە سەگێکی گورگ خنکێن، بەڵام ئەگەر لە شارەدێیەکی قەرەباڵغ بێت یەکێک لێی دەدات، یەکێک نانی پێ دەدات هەم ترسنۆک و هەمیش دەستاوی جۆراوجۆر دەبێت بۆیە دەبێتە سەگێکی خوێڕی و حیز و بە مێچکە مێچک، بۆیە لە کوردەواری دەشتی هەولێرێ وتراوە: نە پیاوی کۆرەدێ، نە سەی شارەدێ.[1]
اێ مەقاڵە أ زوون (کوردیی ناوەڕاست - Central Kurdish) نۆیسیائە، أڕا واز کردن بەخش أ زوون بنچێنە(اصلی)!أڕؤی آیکون
![](https://www.kurdipedia.org/images/flags/ku.png)
کلیک کەن
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
اێ بەخشە 27 گل سئرکریائە(دێینە)
نظر خود را در مورد این مقاله بنویسید!