هەڵبەستەکەم ئاوازێکە
یا چیڕۆکێ یا ڕازێکە
بە فرمێسکی پاکی چاوم
یا بە گەشیەتی خوێناوم
ڕێکخراوە، داڕێژراوە
بەخامەی دڵ، بۆت نووسراوە
دیاری هەستە کە خورپەیە
بۆ تۆی جوانی تاقانەیە
کە بە کڵپەی دەروونی من
ڕێکخراوە بۆ تۆی شەرمن
دیاری دڵە، خونچەی چڵە
فریشتەکەم، بۆ تۆی گوڵە
لێم مەڕەنجە وەری گرە
لە توێی دڵتا هەڵی گرە
تاکو لەگەڵ جووڵەی دڵت
هەستی خاوێنی بە کوڵت
خۆی ڕابێنێ، واز نەهێنێ
تاکو باسی، ڕازی دێنێ[1]
هۆنەر: #دڵشاد مەریوانی#
پەرتووکی: #فرمێسک و زەردەخەنە#
اێ مەقاڵە أ زوون (کوردیی ناوەڕاست) نۆیسیائە، أڕا واز کردن بەخش أ زوون بنچێنە(اصلی)!أڕؤی آیکون
کلیک کەن
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
اێ بەخشە 32 گل سئرکریائە(دێینە)
نظر خود را در مورد این مقاله بنویسید!