لە ساڵی نۆزدە گەیی بە عومەر
شکایەتنامە لە سەعدی سەروەر
هەرچەند ڕازی بوو لە خولقی چاکی
عەزلی کرد لەسەر شکاتی شاکی
کردی بە والی «عبداللّه»ی عەتبان
بۆ خاکی بەسرە بە عەدل و ئیحسان
ئینجا ڕێکی خست «عبداللّه»ی سەروەر
سوپای «نەهاوەند» بە ئەمری عومەر
ئامیری سوپا نوعمانی ناو بوو
ئیدارەی حەربی گەلێ تەواو بوو
لەم سوپادا بوو حوزەیفەی یەمان
ساحێبی سیڕڕی ڕەهبەری زەمان
لەپاش ئەم حەربە داگیران یەکسەر
خاکی «صميره» و موڵکی «دینەوەر»
شاری «ماهان» و شاری «هەمەدان»
فاتیح نەعیم بوو، شەقیقی نوعمان. [1]
هۆنەر: #مەلا عەبدولکەریمی مودەریس#
پەرتووکی: #بارانی ڕەحمەت#