لە ساڵی سی و پێنج «رودوس» تەسلیم بوو
بە موعاوییەی سەلیمی خۆش خوو
هەر لەم ساڵەدا لە هەژدەی قوربان
شەهید بوو عوسمان، جامیعی قورئان
موددەی خەلافەی بە فەیز و ئیقباڵ
دوازدە ڕۆژ کەم بوو لە دوازدە ساڵ
عومری عەزیزی لە هەشتا و دوو بوو
«جنّه البقيع» کە بەو مەعموور بوو
لە عەهدی ئەوا لەبەر ئیهتیمام
زۆر زیادی کرد وڵاتی ئیسلام
گەیی بوو بە «هیند» حەددی ڕۆژەڵات
«دەلیای ئەتڵەس»یش ڕۆژاوای وڵات
حەددی جنووبی دەریای «هیند»ی بوو
حەددی شیمالی «دەریای سپی» بوو
«جَزاهُ اللّهُ عَنِ الْمُسْلِمين
يَوْمَ لِقاءِ رَبِّ الْعالَمينَ»[1]
هۆنەر: #مەلا عەبدولکەریمی مودەریس#
پەرتووکی: #بارانی ڕەحمەت#