لە 3 01-03-1948 لەگوندی بانمیلی سەر بە#خانەقین# لەدایکبووەو ساڵی 1960 خوێندنی سەرەتایی لەخوێندنگەی ئەڵوەندی سەرەتایی تەواوکردووە.
لەساڵی 1966 خوێندنی ئامادەیی لەخانەقین تەواوکردووەو لەوماوەیەدا پەیوەندیی بەیەکێتی قوتابیانی کوردستان و #پارتی دیموکراتی کوردستان#ەوە کردووە.
ساڵی 1968 پەیمانگەی مامۆستایانی لەباقووبە تەواوکردووە لەشارەدێی مەیدان سەر بەشارۆچکەی خانەقین بەمامۆستا دامەزراوەو ساڵی 1972 لەکاتی ئاڵۆزبوونی پەیوەندییەکان نێوان پارتی و بەعس لەخانەقین خۆی و چەند هەڤاڵێکی تەقە لەئۆتۆمبێلێکی ئەمنی خانەقین دەکەن و بۆ ڕۆژی دوایی ویستیان بیگرن، بەڵام لەدەستیان قوتاربوو و ڕوویکردە چیا.
ماوەیەک کادری ناوچەی خانەقین بوو ماوەیەک لێپرسراوی ڕێکخراوی ئاوەسپی سەر بەناوچەی #کفری# بوو هەتا گەیشتە ئەندام لقی #کەرکووک#ی (پ.د.ک)و هەتا نسکۆی 1975 لەناوچەی قەرەداغ کادرو پێشمەرگە بوو.
پاش نسکۆ گەرِایەوە #سلێمانی#، چونکە ماڵی باوکی لەخانەقین لەساڵی 1974 دەرکرابوون بۆ سلێمانی و لەوێوە حکومەت برِیاری گواستنەوەی ڕاژەی مامۆستایی بۆ فەلووجە دەرکردو ئەویش بەناچاری لەوێ دەستبەکاربوو هەتا ساڵی 1978 گەرِایەوە بۆ سلێمانی و لەدەوروبەری سلێمانی و زیاتر لەگوندی زەرِایەن چەندساڵیک مامۆستابوو.
لەسەرەتای دامەزراندنی #یەکێتیی نیشتمانیی کوردستان# و لەساڵی 1976ەوە لەرِیزەکانی بزووتنەوەی سۆشیالیست کەئەوسا باڵێکی یەکێتی بوو چالاکانە کاریکردووە.
ساڵی 1980 ژیانی هاوسەریی و لەگەڵ نادیە خان پێکهێناوەو #06-02-1982# لەسلێمانی بووەو پاشان تا ڕۆژی شەهیدبوونی لەگەڵ کچەکەی دەوەن و کورِەکەی ڕەوەن لەشاخ بردوویانەتە سەر. ڕووکردنە شاخی لەبەر چاودێری و لێکۆڵینەوەی ئەمنەکان بوو کەمامۆستا عەلی قۆناغێکی دیاری برِیبوو لەلێپرسراوەتی حزب و ترسی لاپەیداببوو لەسەر خۆی ئەو خەڵکانەی پەیوەندییان پێوە هەبوو.
مامۆستا لەکاتی شەهیدبوونی لێپرسراوی لقی کەرکووکی حزبی سۆشیالیستی کوردستان بووەو ئەندامی ئیحتیاتی سەرکردایەتی ئەو حزبە بووەو فەرماندەی عەسکەری سنووری #شارەزوور# بووە.
لەدوای ڕاپەرِین بۆماوەیەک چارەنووسی شەهیدانی حزبی سۆشیالیستی کوردستان دیارنەبوو، گیانی شەهید دیسانەوە سەنگەرەکانی یەکێتیی نیشتمانیی کوردستان هەڵدەبژێرێت، مەڵبەندی یەکەم چاوهەڵهێنانی خەبات و یەکەم بەرەنگاری و یەکەم نەعرەتە.
جێ ئاماژەیە کەشەهید یاریزانێکی باش بووە لەهەموو یارییەکان بەتایبەت لەتۆپی پێ کە لەهەڵبژاردەکانی مەسفای وەندو ئیتیحاد ئەرکەوازی و هەڵبژاردەی خانەقین و هەڵبژاردەی دیالە یاریزانێکی ناسراو بووە.
بەداخەوە لە 07-10-1983 لەگەڵ شەهید 6 پێشمەرگەی تر لەو بەرگرییەدا شەهیددەبن