لە دینی بەهدینی پێنج جار لە ڕۆژ نوێژ دەکرێت، یەکەم: لە کاتی «هاوینگا» کە دەکاتەی سپێدەی بەیان، واژەی «فراوین» یا «هاوەنی» لە زاراوەی کرمانجی ژوورو نانخواردنی بەیانییانه. دووەم: «ڕاپیتۆنگا» لە کاتی خۆرهەڵاتن تاکوو نیوەڕۆ. سێیەم: «ئۆزەیرەنگا» کە دوانیوەڕۆیه. چوارەم: «شێوانگا» لە کاتی ئێواراندا کە بە نوێژی شێوان ناو دەبرێت. پەنجەم: «نوێژیشەو» کە شەو دادێت. نوێژێکی تر هەیە کە بە ناوی «کێمنه» کە تایبەتە و زۆر دوور درێژە و پیرۆز دەژمێردرێت کە لە کاتی ڕوودا، یا کاتی دیاریکراودا دەخوێنرێتەوە و لە زمانی هەورامی ماوه. نوێژەکان بە تاک و کۆ دەخوێنرێتەوه. بێگومان پێش نوێژ، دەستنوێژ دەگرێت و پاشان ڕوو لە ڕۆژ یا ئاگر یا ڕووناکی دەکات و نوێژ دەخوێنرێت. زۆر گرینگە ئەمە بوترێت کە بەهدینان ئاگرپەرست نین و ئاگر ناپەرسترێت، ئاگر و ڕووناکی بەشێکە لە دیاردەکانی ئەهۆرا مەزدای دلۆڤان. لە ڕوانگای دینی بەهدینی 5 جۆر ئاگری جیاواز هەیه: یەکەم بۆرزیسەوه، کە لە پێشگای پیرۆزی ئەهۆرا مەزدا هەیه. دووەم وەهوفەڕیانه، کە لە ناو لەشی مرۆڤ و گیانلەبەرانی دی هەیه. سێیەم ئاوروازیشته، کە لە ناو گیادایه. چوارەم وازیشته، لە ناو هەوردایه. پێنجەم سپەنیشته، کە بۆ بەکارهێنانی ژیانی ڕۆژانەی مرۆڤ بەکار دێت و لە هەمان کاتییشدا بە نیشانەی ڕووناکی و پاکی و زانایی لەهەمبەر تاریکی و ناپاکی و نادانی پێناسە دەکرێت.
فەرهەنگی ئاڤێستا - ئامادەکردن و نووسینی: بابان سەقزی
Qeyd: Kurdipedia bütün dialektlərdən "bütün" kürd söz və ifadələrini toplamaq istəyir. Zəhmət olmasa Kurdipedia-ya kömək edin...
Bu məqalə (کوردیی ناوەڕاست) dilində yazılmışdır, məqalələri orijinal dilində redaktə etmək üçün
![](https://www.kurdipedia.org/images/flags/ku.png)
simvoluna vurun!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Bu mövzuya 6,475 dəfə baxılıb
Bu məqaləyə şərh yazın!