خەندان سۆران کەریم
بەڕێوەبەرایەتی هاتوچۆی گەرمیان لە کۆنگرەیەکی ڕۆژنامەنووسیدا، ئاماری ڕووداوەکانی هاتوچۆی ساڵی ڕابردوو و زیانەکانی خستەڕوو، کە لەماوەی ساڵی ڕابردوودا 53 کەس بە درووداوەکانی هاتوچۆ گیانیان لە دەستداوە.
لە کۆنگرەکەدا، عەمید ناسر بەڕێوەبەری هاتوچۆی گەرمیان ئاماری ڕووداوەکانی ساڵی 2013ی خستەڕوو، بەپێی ئامارەکانی بەڕێوەبەرایەتییەکە، له و ساڵدا 416 ڕووداوی هاتوچۆ لە سنووری گەرمیان ڕوویانداوە، له و ژمارەیەش 76 ڕووداویان لە جۆری شێلان بووە و 83 ی وەرگەڕان و 257 یش پێکدادان.
ئەوەش خرایەڕوو، کە 71 ڕووداو لەسەر ڕێگای سەرەکی کەلار_ دەربەندیخان ڕوویانداوە و 62 لەسەر ڕێگای کەلار_ کفری و 145یش لەسەر ڕێگای کەلار_ خانەقین، لەسەر ڕێگای کەلار_ جەلەولاش تەنها 19 ڕووداو ڕوویانداوە، لە ناو شاری کەلاریشدا 119 ڕووداو تۆمار کراوە.
بەهۆی ئه و ڕووداوانەشەوە کە لەسنووری گەرمیان لە ماوەی ساڵی 2013دا ڕوویانداوە 53 کەس گیانیان لەدەستداوە کە 11 کەسیان لە ڕەگەزی مێ و 42 ی لە ڕەگەزی نێر بووە.
هەروەها بەهۆی ڕووداوەکانی هاتوچۆوە لە ساڵی 2013دا لە سنووری گەرمیان 451 کەس برینداربوون کە 51 برینداریان منداڵ بوون و 122 یان ئافرەت بوون.
بەپێی ئامارەکەی بەڕێوەبەرایەتی هاتوچۆی گەرمیان، لە ساڵی 2006ەوە تا ساڵی 2013 لە سنوورەکەدا و بەهۆی ڕووداوەکانی هاتوچۆوە 375 کەس گیانیان لە دەستداوە.
- 04-01-2014