ئەمرۆ سەرلەبەیانی هێزەکانی #حەشدی شەعبی# بە چەک و تۆپ و تانکی ئەبرامزی ئەمەریکی هێرشێکی گەوره و بەربلاویان هێنایە سەر هێزەکانمان لە #پردێ# و بەره و جادەی سەرەکی پردێ-#هەولێر#.
هێزەکانی پێشمەرگە قارەمانەکانی کوردستان لێیان هاتنە دەست و بەرەنگاریان بوونەوە بۆ بەرگری کردن لە کوردستان و گەلە سەربەرزەکەما‌ن و لە شەرێکی سەخت و پالەوانانەدا هەموو هێرشە یەک لە دوای یەکەکانی دووژمنی داگیرکەر بە حشدی نا شعبی و هاوکارەکانیانەوە لە پاسدار و کەسانی خۆفرۆش تێک و پێک شکێنران و پاش گورزێکی کووشندە پاشەکشەیان پێکرا وە دەست خۆشی لە هەموو برا پێشمەرگەکان و ئەفسەران و فەرماندەکان دەکەین لە هێزەکانی وەزارەتی ێشمەرگه و یەکەی هەشتا و فەرماندەیی زێرەڤانی و فەرماندەیی هێزەکانی پشتیوانی یەک و هێزەکانی دژە تیرۆر و هێزی تایبەتی یەک و ئاسایش کە لە ئەنجامی ئەم شەرە دوو دەبابە کە یەکێکیان ئەبرامزی ئەمریکی بوو لە گەڵ یەک مدرەعە و زیاتر لە12هەمەڕ و ئالیات تێکشکێندران و ژمارەیەکی زۆر کووژراو و برینداریان بەدوای خۆیان دا ڕاکێشا کە بە پێی هەوالەکان زیاتر لە سەد و پەنجا چەکدار دەبن کە زۆربەیان گەیەندراونەتە نەخۆشخانەکانی کەرکووک ئەم داستانە پیرۆزە بە خوێنی ئاڵی شەش شەهیدی نەمر و چەندین پێشمەرگەی بریندار ڕەنگین کرا.
ئێمە لە کاتێکدا پیرۆزبایی لە گەلی کوردستان دەکەین و سوپاسی بێ پایانمان بە هەموو پێشمەرگە قارەمانەکانی ئەم داستانە دەگەیەنین چ وەک تاک و چ وەک یەکەکان کە جگە لە قارەمانیەتی هیچ تاقسیرێکیان نەبوو وە ئیسپاتیان کرد کە ئەم هێزە داگیرکەرە دەشکێندرێت و ڕیسوا دەبێت. سەری ڕێز و نەوازش بۆ کەس و کاری شەهیدان دادەنوێنین هەزاران سڵاو لە گیانی پاکیان و تەمەننای چاک بوونەوە بە زووترین کات بۆ بریندارە قارەمانەکان دەکەین.
هەر بژی پێشمەرگه
فەرماندەیی هێزەکانی پێشمەرگە لە میحوەری ڕۆژئاوای کەرکووک - پردێ
20-10-2017