دەربارەی ڕووداوی مامۆستا بەڕێزەکە:
1. ئەو ڕووداوەی بەرامبەر مامۆستا بەڕێزەکە لە هەولێر ئەنجام درا، لە ناخەوە هەژاندمی و بە هەموو شێوەیەک پشتگیری دەکەم و خۆم بە پارێزەری بەڕێزیان دەزانم، و بە هیچ جۆرێک لەگەڵ شکاندنی شکۆ و ڕێزی مامۆستادا نیم و پێویستە مامۆستا کە پێگەیێنەری نەوەکانە، هەردەم ڕێزلێگیراو بێت.
2. بەندە بە شەخسی ئەم مامۆستایە دەزانم کێیە و لە کام قوتابخانە خزمەت دەکات، بەڵام لەم بارودۆخەدا زۆر کەس بۆ هەڵمەتی هەڵبژاردن و سیاسەتکردن و فەوزای سیاسی لە کوردستان نانی پێوە دەخوات. دەنا مافی ڕەوای مامۆستایان و ئەو مامۆستا بەڕێزەیە کە داوای شەرعی خۆیان هەبێت، کەچی بەداخەوە تێکەڵ بە بابەتی دیکە دەکرێت، بۆیە ئەم مامۆستایە خۆی حەز ناکات دەرکەوێت و خەڵک بزانێت کێیە. بەڕێزی ناڕاستەوخۆ پەیامی بۆ ئێمە ناردووە کە ئەم ڕەفتارەی کە بەرامبەرم کراوە، لەسەر هیچ دەزگا و لایەن و کەسێک حیسابی ناکەم، بەڵکو خوازیارم یاسا سەروەر بێت و گوزەرانی مامۆستا چاک بکرێت.
3. مامۆستایانی خۆشەویست دڵنیا دەکەینەوە کە ئێمە خزمەتکار و دڵسۆزیان دەبین و ئایندە زۆر گەشە. سوپاس بۆ دڵسۆزی و خۆڕاگریتان.
4. دەزگاکانی پاراستنی ئارامی وڵات بە گشتی بە خوێن و ماندووبوونی خۆیان خزمەتێکی زۆریان کردووە، هەر کەسێک کارێکی نەرێنی بکات، ئەوا نابێت لەسەر کۆی دەزگاکە حیساب بکرێت، بەڵکو ڕەنگدانەوەی ڕەفتاری کەسییە نەوەک دەزگاکە.
تێبینی:ئەم پەیامەمان ئەمڕۆ لە خزمەت مامۆستایان پێشکەش کرد.
دکتۆر #پشتیوان سادق#
#28-03-2018#