وەرگێرانی: #عەزیز گەردی#

رۆمانی ئەو پیاوەی بەتەنیا سەفەری کرد نووسینی کۆنستاتین ڤرجیل گیورگیوی نووسەری سەعات بیست و پێنج، وەرگێڕانی مامۆستا عەزیز گەردی بڵاوکراوەی ئاوێرم خوێندنەوە.
رۆمانەکە باس لە ڕۆژانی نووسەرێک لە ڕۆمانیا و سەردەمی پێش شەڕەکانی دووەمی جیهان و دەرئەنجامەکانی شەڕەکە و نووسینی کتیبەکانی و دوا ڕۆژی ژیانی لە پاریس دەکات. ڕۆمانەکە بە کوردییەکی زۆر جوان و وەرگێڕێکی شایستە و کورییەکی شیرین دەرچووە.
لەو کتێبە ئەو زاراوەم بۆ جوانی و نوێی لە نووسینی کوردی تۆمارکرد:
سپێدەدەم، هوون، بڕازێی، پاملێ، سەرشار، زی، هەڵاژێ، بژی، ئەفەرۆز، دووز، بێپیڤان، جمین، شەهت، زیباڵ، لۆتکە، گەوشەک، دەرەک، مەرێزە، نێز، هێمان، ڕیچۆڵ، بارکۆک، پەرتەک.
ئەو دوو ڕستەش دەنووسمەوە: شەڕ، نووسینەوەی زەحمەتە. ل234.
مرۆڤ کە لە زیندان دەردەچێ، زۆر تینووی ڕەنگ و نەرمی و ناسکییە، ل296.
رۆمانەکە و زمانەکە و ڕێنووسەکە شیاوی خوێندنەوەیە. ئەوەش دەڵێم ڕۆمانەکە تژییە لە ڕووداوی مێژوویی. [1]