$رۆژهەڵاتی کوردستان$
- باوکی #زەینەب جەلالیان# ژنە گیراوی سیاسی کورد، ڕایگەیاند: چەند ڕۆژە کچەکەم بە ئۆتۆمبێلێکەوە بە چاوبەستراوی لەلایەن هێزە ئەمنییەکانی ئێرانەوە شاربەشاری پێدەکرێت.[3]
- هاووڵاتییەکی کورد بە ناوی عەبدوڵڵا ئەدوایی خەڵکی گوندی سلێن لە ناوچەی هەورامان سەر بە شاری #سەوڵاوا#، بە هۆکاری نادیار دەسبەسەر کرا و هێزەکانی ئیتلاعاتی سپای پاسداران ناوبراویان بۆ شوێنێکی نادیار ڕاگواستووە.[5]
$باشووری کوردستان$
- ئەمڕۆ خوێندنی ئەلیکترۆنی لە هەرێمی کوردستان دەستپێدەکات.[1]
- لە بەردەوامی پشکنینەکان و گەڕان بەدوای گومانلێکراوان، شەش تووشبووی دیکەی ڤایرۆسی #کۆڕۆنا#ی نوێ COVID-19 لە پارێزگای #هەولێر# دەستنیشانکران. کۆی گشتی تووشبووان بە ڤایرۆسی کۆڕۆنای نوێ COVID-19 لە هەرێمی کوردستان (387) تووشبوو، لەنێویاندا (5) مردن هەیە و (327) نەخۆش چاکبووەتەوە، وە ئێستا تەنها (55) نەخۆش لەژێر چاودێری پزیشکی دان.[1]
- بە مەبەستی خۆپاراستن لە ڤایروسی کۆرۆنا و ڕێگرتن لە بەریەککەوتنی هاووڵاتیان کە هوکارە بۆ گواستنەوەی ڤایروسی کۆرۆنا، #وەزارەتی ناوخۆ# سیستەمی ڕێگەپێدانی ئەلکترونی دامەزراند کە تا بەردەوامی قەدەغەی هاتووچۆ کارا دەبێت.[2]
- #جەبار یاوەر#، ئەمینداری گشتیی #وەزارەتی پێشمەرگە#ی هەرێمی کوردستان ڕایدەگەیێنێت، لە چوار مانگی سەرەتای ئەمساڵدا داعش لە ناوچە کێشەلەسەرەکان 85 هێرشی ئەنجامداوە و بەو هۆیەشەوە 70 کەس کوژراون و 41 کەسیشی ڕفاندوون.[6]
- #سۆران# عومەر، پەرلەمانتاری کۆمەڵی ئیسلامی لە پەرلەمانی کوردستان ڕایگەیاند: لەم ڕۆژانەدا پارەیەکی زۆر چۆتە بانکی ناوەندی هەرێم لە هەولێر و دەشڵێت: پارە هەیە بۆ موچە دابەش ناکەن.[8]
- گوتەبێژی حکومەتی هەرێمی کوردستان لە ڕاگەیێندراوێکدا ئاماژەی بەوە کرد، پشووی دامودەزگا فەرمییەکان بەردەوامدەبێت تاوەکو بڕیاری نوێ دەردەچێت.[6]
- لە شارەدێی زومار لە نزیک تەوالێتی مزگەوتێک تەرمی منداڵێک دەدۆزرێتەوە کە بە بلۆک کوژراوە. ئەو منداڵە ناوی شاهین وسام سەلوانە و تەمەنی 8 ساڵانە و شەوی ڕابردوو سەعات 11 بۆ شت کڕین لەماڵەوە دەچێتە دەرەوە و ناگەڕێتەوە، دوای گەڕان بە کوژراوی دەدۆزرێتەوە.[2]
$رۆژئاوای کوردستان$
- داگیرکەرانی دەولەتی تورک هێرشیان کردە سەر دانیشتووە مەدەنیەکانی گوندی خربتبەقری سەر بە ناوچەی #گرێ سپی#.[7]
$دەرەوەی کوردستان$
- بەرە بەیانی ئەمڕۆ چەتەکانی #داعش# هێرشێکی فراوانیان بۆ سەر ناوچەکانی پارێزگای سەلاحەدین ئەنجامدا و بەهۆیەوە 10 چەکداری #حەشدی شەعبی# کوژران.[3]
- بەگوێرەی بەیاننامەیەکی دەستەی ئاماری تورکیا، بەهۆی داخستنی گشتی و ئەو ڕێوشوێنانە لەلایەن حکومەتەوە گیراوەتەبەر بەهۆی ڤایرۆسی کۆرۆنا، لە مانگی نیسان پێنوێنی متمانە بە ئابووری تورکیا داکەوتنی بەرچاوی تۆمارکردووە، بەجۆرێک بەرێژەی 44.1% داکەوتووە لەسەر بنەمای مانگانە.[4]
- ئەتڵەسی زیندانەکانی ئێران (اطلس زندان های ایران) لە نوێترین ڕاپۆرتی خۆیدا، ئامارێکی نوێی لە دۆسیەی زیندانییانی سیاسی لە ئێران بڵاو کردووەتەوە کە بەرپرسانی دادوەریی ئێران لە سێ مانگی سەرەتای ساڵی 2020ی زایینی، بە هۆکاری سیاسی، 526 ساڵ زیندانیی بەسەر هاووڵاتییاندا سەپاندووە. ڕاپۆرتی ئەو ناوەندە باس لە سەپاندنی حوکمی 10 ئێعدام بە هۆکاری سیاسی بەسەر هاووڵاتییان لە ئێراندا دەکات.[5]
- لە تورکیا لە ماوەی ئەو 24 کاتژمێرەدا 1984 کەس تووشی ڤایرۆسەکە بوون و 78 کەسیش گیانیان لەدەستداوە. بەم پێیە لەو وڵاتە ژمارەی تووشبووان گەیشتووەتە 124 هەزار و 375 کەس و 3 هەزار و 336 کەسیش گیانیان لەدەستداوە.[7]
- وەزارەتی تەندروستی ئێران ئاشکرایکرد، 802 حاڵەتی نوێی تووشبوون و 65 حاڵەتی نوێی گیان لە دەستدان بە ڤایرۆسی کۆرۆنا تۆمار کراوە.[2]