بەڕێزان:-
سەرۆکی حکومەتی هەرێم
پەرلەمانی کوردستان
وەزارەتی تەندروستی
کۆمەڵانی خەڵکی کوردستان
ئێمە وەک کۆمەڵیک پزیشک کە لە خوارەوە ناومان هاتووە، نارەزایەتی خۆمان دەر دەبڕین بەرانبەر هەر جۆرێک لە وەرگرتنی پارە بەرانبەر خزمەت کردنی نەخۆشانی کۆرۆنا.
ئەمەش دوای ئەوەی کەبینیمان لە چەند ڕۆژی ڕابردودا چەند نرخێک بێ ڕەچاوکردنی بارو گوزەران و بێ موچەیی خەڵکی کوردستان دیاری کرا.
دیاریکردنی نرخ و خزمەتگوزاری تەندروستی بە پارە بۆ نەخۆشەکانی کۆرۆنا کارێکی نامرۆڤانەو نا داد پەروەرانەیە، بەتایبەتی کە ئێستا ژمارەیەکی زۆری خەڵکی کوردستان توشی ڤایرۆسەکە بوون، بە شێوەیەک چەندین خێزان بە گروپ بە دەستی یەوە دەناڵێنن، پرسیارەکە ئەوەیە ئایا چ خێزانێک دەتوانێت ئەو هەموو پارەیە بدات ؟ بۆ کامە ئەندامی خێزانەکەی بدات ؟.
ئایا کێ سودمەندی یەکەمە لەم نەهامەتی یە ؟
بەپێی هەموو ستانداردە جیهانی یەکانی کاری تەندروستی، و بەڕێوەبردنی قەیران، خزمەت کردنی ئەو جۆرە لە نەخۆش و بەرگرتن لە بڵاوبونەوەی پەتا بە خزمەتە کەشی یەوە، ئەرکی سەرەکی وەزارەتی تەندروستی و حکومەتە.
جگە لەوەش بە پێی ماددەی 47 لە یاسایی تەندروستی گشتی عێراق، وەزارەت دەتوانێت دامەزراوەکانی کەرتی تایبەت بە کار بهێنێت و لەوێوە خزمەتگوزاری لەسەر ئەرکی خۆی پێشکەش بکات، نەک بە دەرکردنی نرخ یارمەتی بازرگانی کردن بدات بەژیان و گوزەرانی خەڵکەوە و ڕەوایەتی بەو بازرگانی یە بدات.
جێی خۆیەتی ئەوەش بە بیر خەڵک و ئێوە بهێنینەوە کە دەرکردن و نرخ دانان بۆ کەرتی تایبەت دڵساردی دەبەخشێتە جەنگاوەرانی کەرتی تەندروستی لە پزیشک و کارمەند کە چوار مانگە بێ سڵ کردنەوەو بێ موچە ژیانی خۆیان خستۆتە مەترسی یەوە.
بەڕێزان ئەوەی لە کەرتی تەندروستی ڕودەدات، بەرەو کارەساتی گەورەتر مان دەبات.
لە ساڵانی ڕابروودا، تاوەکو ئێستا ش بینیمان شکۆی نەخۆشخانە گشتی یەکان و ئەوانەی لەوێ کاردەکەن لەڕێی میدیاوە بێت بە مەبەست یان لەڕێگەی خەڵکانی خاوەن دەسەڵاتی حیزبی و سیاسی یەوە بێت شکێنران.
کەرتی گشتی بەدەست هەژاری بودجە، دەرمان و پلانەوە دەناڵێنێت، لە کاتێک دا نەخۆشخانەکان و کۆمپانیاکانی دەرمانی سەر بە حیزب و سیاسی یەکان و سەرمایەدارە حیزبی یەکان لە گەشەکردن دان، لەم بارەدا پزیشک و کارمەندی تەندروستی لەبەردەم نەشتەردان، بێ ئاگا لەوەی ئەوەی هەمو ئەمانەبەڕێوە دەبات سیستمی تەندروستی و بێ پلانی یەکەیەتی کە پزیشک و کارمەندیش وەک نەخۆش دەکاتە قوربانی، پزیشکێکی گەنج و کارمەندێک لە بێ پارەیی و بێ ئیشی و بێ موچەیی دا دەکاتە مەندوبی دەرمان، و موچە خۆری نەخۆشخانەیەکی حیزبی.ئەم جۆرە لە کارکردن لە کوردستان، تەندروستی دەکاتە کاڵاو ئێمەش ئەکاتە کاڵا فرۆشی کۆمپانیاکان.
بە جۆرێک کە لە داهاتوودا، خزمەتی تەندروستی ببێتە مەکرەمەی حیزب و لە بەردەم بارەگاکان دا ببەخشرێتەوە.
ئێمە لەم دۆخە دا داوادەکەین،
1- خزمەتگوزاری بۆ نەخۆشی کۆرۆنا لە نەخۆشخانەی گشتی بێت یان تایبەت بە بێ بەرانبەر بێت، ئەگەر ژمارەی تەخت و ئۆکسجین ی کەرتی گشتی تەواو نەتوانێت وەڵام دەرەو بێت پێویستە وەزارەت لە کەرتی تایبەتیشەوە ئەو خزمەتە پێشکەش بکات بە پێی ماددەی 47 لە یاسای تەندروستی گشتی و بە بەکارهێنانی بودجەی تایبەت بە کۆرۆنا.
2- پێویستە موچەی پزیشک و کارمەندانی تەندروستی بە بێ کەمکردنەوە وبێ جیاکاری حیزبی بە تایبەتی بۆ کارمەند و پزیشکانی هێڵی پێشەوە دابین بکرێت.
3-ئەم قەیرانە تەندروستی یەی بە هۆی کۆرۆناوە دروست بووە بکرێت بەهەل بۆ پێداچونەوەی سیستمی تەندروستی و باشتر کردنی خزماتگوزاری یەکان.
4- پێویستە کەرتی گشتی و کەرتی تایبەتی تەندروستی لە یەکتر جیا بکرێتەوەو سنورێکیش دابنرێت بۆ بازرگانی کردن بە دەرمانەوە.
هەموو حکومەتەکان لە جیهان دا، خەریکی کەمکردنەوەی بارگرانی ئەم دۆخەن لەسەر هاووڵاتیانی ووڵاتەکەیان. حکومەتی هەرێمیش ئەرکی سەرشانیەتی کە بارگرانی لەسەر هاووڵاتی کەم کاتەوە، دیاری کردنی نرخ ڕەوایەتی یە بۆ ئەو بازرگانی یە، خزمەتگوزاری تەندروستی بۆ نەخۆشانی کۆرۆنا دەبێت بێ بەرانبەر بێت.
ئەوەی سودمەندە ئێستا کۆمەڵێک کەسن کەلە ئاوی لێڵ دا ماسی دەگرن و کاسبی بەسەر تەندروستی خەڵکی کوردستانەوە دەکەن
تکایە سنۆرێک بۆ ئەم کارانە دابنێن.
بۆ ئەوەی نە ئێمەو نە ئێوە قەرزاری بەردەم مێژوو وخەڵکی کوردستان نەبین
1.ئەژین هاشم علی
2.سنور قادر محمود
3.ئارەزوو جمال
4.رایان صديق
5.نارين شاسوار
6.ئەژین احمد
7.شایان کاکە صاڵح
8.دلسوز عبدالعلي
9.پاوان جمال
10.ئاسیا ڕەمە زان
11.هیرو ابوبکر
12.چاوان حمه صالح
13.تارا عبدالله
14.رازاو محمد
15.سوز فواد
16.شادية عبدالرحمن
17.پە یام بکر
18.تاڤگە عمر
19.ئەڤین انور
20.روخۆش حسن
21.سازگار محمد
22.بەناز طاهر
23پاوان خالد
24.دەریا ئومید
25.کەنار فایق
26.شۆخان محمد
27.دڵنیا غفور
28.شەونم بابکر
29.دەرون امین
30.کاشما خالد
31.گەشە ڕؤوف
32.راز هیمن
33.شەیما حمە جزا
34.تاڤگە ڕسول
35.نوخشە محمد
36.ئەژین کریم
37.ڤیان فایەق
38.پرژە ڕوشدی
39.دلسۆز عمر
40.سنور لوقمان
41.#نەغەدە# توفیق
42.شەنگە بەرزان
43.کۆژین ئیسماعیل
44.سۆلاڤ محمد
45.ئاشتی احمد
46.نیان شوان
47.ڤیان احمد
48.میخەک صابر
49.سازان کەمال
50.سۆما فاضل
51.هۆزان حیکمەت
52.پەیمان خالید
53.دونیا علی
54.نیاز احمد
55.دەریا وەهاب
56.سۆکار نورالدین
57.ئاشتی قادر
58.سۆز تەیمور
59.سروە محمد
60.شادان فایەق
61.ئاسیا دیاری
62.ریزان عمر
63.داستان احمد
64.ئاریان نایف
65.دەریا ئیسماعیل
66.دەریا خالید
67.ریما ابراهیم
68.میران عیرفان
69.دەوەن حویزی
70.تروسکە ڕسول
71.فرمیسک طاهر
72.سامان احمد
73.بەستە جەلیل
74.شادی عبداللە
75.سیروان ئیسماعیل
76.دلشاد حەمە خورشید
77.شکار نەوزاد
78.شەونم عبدالسلام
79.ئاامینە طاهر
80.چۆپی عبدالکەریم
81.هەوری محمد
82.سیڤەر عبدالخالق
83.روناک عبدالقادر
84.سروشت جەمال
85.ئالتون محموود
86.دیمەن حسین
87.ئاویستە