عەدێ و مەدێ 24
مۆبایلەکەم کردەوە و زۆر لە دوو ناوەکەی گەڕام نەمدیتەوە، گۆتم: کاکە ئەو ناوە نیە! گۆتی: کوو نیە، ئەو چەتیمە سەیە بە دەستی خۆی خەزنی کردیە، گۆتی: بابە ئەوە نووسیم! وەکی مەدێ ئەو قسەی کرد، گۆتم: سەتا سەت بە غەرەتی خەزن کرایە، چونکە دەمزانی کیژەکەی سەگە خیندەواریەکی هەیە! گەڕام گەڕام، دیتم بە ناوی غاڕ غاڕانی خەزن کرایە! گۆتم: دیتمەوە، تەماشام کرد ژمارەکە چارسەت و چل و پێنجە، گۆتم: خاری چشتەکی پێدەکرێ! پەنجەم بە دووگمە کەسکەکەی وەنا و گۆتم: ها قسەی لەگەر بکە، سێ چار جاری پێچوو خاری وەرامی نەداوە، گۆتم: دەرێی خارت سەی تێبەردای؟ گۆتی: عەیفت نەکرد، خارم یان لە کۆبوونەوەیە، یان لە مەڕاعییە! بەس بێتە دەرێ لۆم دەکاتەوە، عەدێ گۆتی: ئیشمان چیە، چاوەڕێ دەکەین!
وەختەکی مۆبایلی مەدێی لێیدا، گۆتی: هەوە خارمە! هەریگرت و گۆتی: خارە کوی؟ بە قوربانی جددت بم! وەختەکی مەدێ ڕەنگی گۆڕا و گۆتی: وەی سندان وەختی هەندێ هەندێیە، قەپاتکە ئەو تەلەفۆنەی قەپاتکە! عەدێ گۆتی: کورە مەدێ وەڵلا خار دەتکوژی، ئەتوو کوو ئەو قسانە دەکەی ماخرا؟ مەدێ گۆتی: خار نەبوو نە، ئەسمەرۆکە پەلکە مێوی دەوێ لۆ دۆڵمەی!
بەینەکی باش چاوەڕێمان کرد و خار دەنگی نەبوو، گۆتم: کاکە پێناچی خار لێت بپێچیتەوە، ئەمن بە دوو ئیشی خۆم و بنیامین و گۆلکەکەی دادەچم، بزانم لۆ لە دوو منیان ناردیە! مەدێ گۆتی: دە سەبرەکی بگرە، هەی ڕەعمەت لە بابت، تەئکید بەخار کێشەی تووش عەل دەکا! گۆتم: بابە ئەوە بووە سعاتەک و خار دەنگی نەبوو، مەعنای وەیە ئیشەکە فشەیە! عەدێ لۆم هات و گۆتی: یەعنی خارم فشەیە؟ ئەتوو ئاگات لەبەر دەوی خۆتە چدەرێی! لەگە عەدێی لێک گیر بووین و یێخەی ئێکدیمان گرت، مۆبایلی مەدێی لێیدا! مەدێ گۆتی: شەڕی ڕاگرن خار تەلەفۆنی کرد!
شەڕمان ڕاگرت و مەدێ هەریگرت، یەکسەر گۆتی: هەی دەبەرت مرم خار، ئەوە ئەتوو لەکێی؟ عوکمەت ئەمن و عەدێی خلاس کرد، ئەرێوەڵلا لە سەر گۆلکەکی، ئا ئا، وەڵلا فریامان نەکەوی خۆ لە عەپسخانەی دەبینینەوە! ئا ئا، ئەوە حینوانی مەرکەز شورتەی! ئەمن و عەدێ هەر تەماشا مەدێمان دەکرد، گۆتمان: هەبی و نەبی ئەوجارە قەوما! مەدێ ناونیشانی مەرکەز شورتەی دا خاری و خواحافیزی کرد! گۆتم: چبوو ؟ گۆتی: هەونکە دەبینن خار کوو مەفرەزەی دەنێری و هەرچی معاون و پۆلیسە لوولی دەدا!
مەڕاعی: لە (مراحض) ی عەرەبی وەرگیرایە، واتە ئاودەست.
مایتی.[1]