دەقی پەیامەکەی مەکتەبی ڕێکخراوەکانی #یەکێتیی نیشتمانیی کوردستان#:
پیرۆزبایی هاتنەوەی ساڵی نوێ لە گەلی کوردستان و پێشمەرگە قارەمانەکان و کەسوکاری سەربەرزی شەهیدان و تەواوی کوردستانیان و سەرجەم ڕێکخراو وسەندیکاو ڕێکخراوەکانی کۆمەڵگەی مەدەنی دەکەین.
لەم بۆنەیەدا، چەپکە گوڵی پیرۆزبایی خۆمان پێشکەش بە کۆمەڵانی خەڵکی کوردستان دەکەین، ئومێدەوارین ساڵی نوێ، ساڵی ئاشتی و ئاوەدانی زیاتری هەرێمەکەمان و یەکڕیزی و تەبایی نێوان هێز و لایەنە سیاییەکانی کوردستانبێت، ساڵی دامەزراندنی حکومەتێکی خزمەتگوزار و یەکڕیزی نیشتمانی بێت لە عێراقدا، ساڵی بە دیهێنانی مافەدەستورییەکانی گەلەکەمانبێت، ساڵی خۆشگوزەرانیبێت بۆ تەواوی هاونیشتمانییان و تێپەڕاندنی قەیرانەکان وساڵی دەستەبەرکردنی داخوازییە ڕەواکانی هاوڵاتییانبێت.
خوازیارین ساڵی 2022 ساڵی بوژاندنەوەی گیانی حزبی و ڕێکخراوەی و بەخۆداچونەوەی کار و پرۆژەو چالاکی هەمەلایەنەبێت.
ئێمەشە لەمەکتەبی ڕێکخراوەدیموکراتییەکانی یەکێتیی نیشتمانی کوردستان، بەبەرنامە و پلانی نوێوە، بەهاوکاری و پشتوانی هەڤاڵان و کۆمەڵانی خەڵکی کوردستان دەچینە ساڵی تازەوە، لەسەر شاڕێی نوێ بوونەوە وچاکسازی، لەنێو ڕیکخراو وسەندیکاکاندا، بەردەوامدەبین، چەقی خزمەتکردنمان، بەرژەوەندییەباڵاکانی هاوڵاتییان دەبێت.
دەخوازین ساڵی خێر و بەرەکەتبێت بۆ وڵاتەکەمان و ناوچەکەمان.
هەرشادو سەربەرزبن.
مەکتەبی ڕێکخراوە دیموکراتییەکانی
یەکێتیی نیشتمانیی کوردستان[1]