پینە و پەڕۆی بۆ دەکات
لەسەردەمی کۆندا، خەڵک هەژار بووە و ژیانیان زۆر قورس بووه، بۆیە نەیانتوانیوە بە ئاسانی قوماش و جلوبەرگیان دەست بکەوێت، بۆیە ئه و جلانەی کە هەیانبووە، ئەگەر دووچاری دڕان بوونایە، فڕێیان نەدەدان، بەڵکو بەهۆی پارچە قوماشێکی دیکەوە، کە لە ماڵەوە هەیانبووە، یان لە کۆنە جلی دیکە پەیدایان کردووە، چاکیان کردوونەتەوە و لەبەریان کردوون، بەمەش گوتراوە: پینە. جا ئەم پینەکردنە بۆتە هۆی ئەوەی کە عەیب و عارەکە دابپۆشێت و دڕانەکە بشارێتەوە، ئەم ئیدیۆمەش بە یەکێک دەگوترێت: کە هەوڵی شاردنەوە و ڕاستکردنەوەی هەڵە و کەموکوڕی کەسێک بدات و خراپەکانی بشارێتەوە و بن لێوی بخات، لەبەر هۆیێک یان مەبەستێکی تایبەتی، وەک چۆن هەژار لە نەبوونی و ناچاری پینە و پەڕۆی جلە شڕ و وڕەکانی دەکات و کون و شوێنە دڕاوەکانی دەشارێتەوە.[1]
Bu məqalə (کوردیی ناوەڕاست) dilində yazılmışdır, məqalələri orijinal dilində redaktə etmək üçün
![](https://www.kurdipedia.org/images/flags/ku.png)
simvoluna vurun!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Bu mövzuya 1,135 dəfə baxılıb
Bu məqaləyə şərh yazın!