ناو: فەرەج
ناوی باوک: سەعدون ساڵح
ساڵی لەدایکبوون: 1930
ساڵی کۆچی دوایی: 2011
شوێنی لەدایکبوون: شارەدێی#سەنگاو#
شوێنی کۆچی دوایی: #سلێمانی#
$ژیاننامە$
فەرەج سەعدون ساڵح لە ساڵی 1930 لە گوندی کەڵانی سەر بە شارەدێی سەنگاو لەدایکبووە، لە منداڵیدا لە لای مامەیەکی باوکی کە ناوی مامە فەقێ قادر بووە سەرەتاکانی خوێنەواری و هەندێ لە قورئانی پیرۆزی خوێندووە پاشان چووەتە گوندی کربچنە کە لە ناوچەکەدا جێگایەکی دیاری خوێنەواری و خوێندن بووە.
دواتر ساڵی 1948 هاتووەتە شاری سلێمانی بۆ تەواو کردنی خوێندنەکەی لەمزگەوتی حاجی مەلا عەلی بەردەوامبووە هەتاوەکو ساڵی 1954 ئیجازەی مەلایەتی وەرگرتووە و مامۆستا #شێخ محەمەدی خاڵ# بەدەستی خۆی مێزەرەکەی کردووەتە سەری !!..
ساڵی 1958 بووە بە مامۆستای قوتابخانە و پاشان لەناو شاری سلێمانی لە قوتابخانەکانی خالیدییەی سەرشەقام ناوەندی خەبات و شادمان وانەی وتووەتەوە، یەکێک بووە لە مامۆستا بە تواناکانی سلێمانی کە خزمەتێکی زۆری ئەم شارەی کردووە. لە ساڵی 2001 خانەنشین بووە، و لە مانگی 10 ی ساڵی 2011 لە سلێمانی کۆچی دواییکردووە لەسەر وەسێتی خۆی لەگۆڕستانی کاک ئەحمەدی بۆن خۆش لە سلێمانی بەخاک سپێردراوە. [1]