تو دزانی ب خودێ من تو خەیالی شەب و ڕووز
ب خەیالا خوە مەدام من تو ل بالی شەب و ڕووز
هەر ب میزان دڕەشینی جەگەرێ تیر و خەدەنگ
ژ نەسەق ساعقە مە ژ قەوسێ هلالی شەب و ڕووز
مسلی گۆیین تە ڕەوان نالە ژ دل تێن مسکین
ئەم نزانین تو چڕا هەر وە دنالی شەب و ڕووز
تە ژ فەریاد و فەغانان ب خوە بولبول کەڕ کر
ئەللاه ئەللاه! ژ چ دەردی وە دکالی شەب و ڕووز
خوزیا من بدیا ئەو قەد و بالایێ شرین
هەر دەما ئەو کو بمەش تێ ب دەلالی شەب و ڕووز
دا کو دلبەر قەدەمێ لێ بنهەد ڕەوشەن کت
لەو تو خوونێ وە ژ چەهڤان ڤەدمالی شەب و ڕووز
تە تنێ زەوق و سەفا کر ب سەیێن دلبەرێ ڕا
سەرنخوون گەه شوبی نوون گەه وەکوو دالی شەب و ڕووز
فەتوەیا پیر و مەلا یان تو ب ئلهامێ نەبی
ڤێ مەیێ هەر وە دنووشی ب حەلالی شەب و ڕووز
#مەلای جزیری# [1]