گەر چ بولبول جەوهەرێ زاتێ گولە
لێ گولێ ڕەونەق ژ عشقا بولبولە
گوه دە زکرێ حال و جووشا بادەیێ
وێ ب بولبول ڕا دخوونت بولبولە
سووسنان سەد ڕەنگ ئاڤێهتن کەمەند
وان نەگۆ دل بەندێ تایەک سونبولە
سونبولان سەیوان ل دێمی تازە کر
ئافتاب ئیرۆ د بورجا سونبولە
قەت ڤەڕێکی ڤی دەمی حازر دبت
قسسەیا فەسلێ نە کارێ سونبولە
عەرعەرا ڕەنگین ژ تایێ سۆر و زەر
قومرییان سەد ڕەنگی شیرین غولغولە
ڕەمزەیا عشقێ ژ بالا هاتە خوار
قودسییان ئاڤێهتە چەرخێ غولغولە
من ژ دل ناسوورەکی دا هەستییان
«لاجرم» هێژ نەشئەیا داغا کولە
بولبول و پەروانە و فەسل و دەمن
جنسێ عشقا من تنێ دەردێ کولە
نێرگزا نازک قەدا و شەهلایا مەست
دین کرم ئەز بولبولان سەودا گولە
تەبعێ لامع وەش ژ مننەت بولحەسەن
من د دەست دا «ذو الفقار» و دولدولە
عەشقەرێ بەد فعلێ چی هیکر عەجەب
«بارک الله» خوەش بەزی هەسپێ قولە
زولف و بسکان پوڕ ژ من دل بر بەلێ
ڕشتەیا جانێ مەلێ ئەو کاکولە
#مەلای جزیری# [1]