ناونیشانی بابەت: چی بزانین لە بارەی نەخۆشی گرانەتا؟
ئامادەکردن: د. شاخەوان دزەیی
1- نەخۆشی گرانەتا بەهۆی بەکتریای (salmonella) تووشی مرۆڤ دەبێت لە ڕێگای خواردن و خواردنەوە.
2- نیشانەکانی لە هەفتەی یەکەم تا کە ڕۆژ بەڕۆژ بەرزتر دەبێتەوە، بێ هێزی، ئێشی ماسوولکەو جومگەکان، قەبزی
لە هەفتەی دووەم نیشانەکانی سەرەوە قوڕستر دەبێت و لەگەڵ سکچون، کۆکە . خوێنبەربوون لە لوت، وڕێنە کردن، خوێنبەربوون لەگەڵ پیسایی و ژانە سک. ئەستووربوونی سپڵ (فاتە ڕەشە) هەرەوەها لە سەدا 50 ی نەخۆشەکان جۆرە لەکەکیان لەسەر سنگ یان پشت پەیدا دەبێت.
3- بۆ تەشخیسی نەخۆشییەکە، نیشانەکان و زەرعی خوێن، میز، پیسایی یان مۆخی ئێسک.
4- نەخۆش پێویستە بۆ ماوەی دوو هەفتە چارەسەر وەربگرێت یان لە شێوەی دەرزی یان حەب.
$ئەو هەڵانەی کە لە کوردستان دەکرێت بە ناوی گرانەتا$
1- نەخۆشی گرانەتا لە ساڵانی نەوەدەکان زۆر بوو، بەڵام دوای ساڵی 2000 ژمارەی تووشبوون ساڵانە زۆر کەمە.
2- زۆربەی ئەو نەخۆشانەی کە تەشخیس دەکرێن بە گرانەتا لە ئەسڵدا هیچیان گرانەتا نییەو بەخۆڕایی ئەو هەموو دەرزی دەرمانە وەردەگرن.
3- فەحسی دەرەجەی گرانەتا 80 و 160 و 320 بە هیچ جۆرێک بۆ تەشخیس یان موتابەعەی عیلاج بەکار نایەت و هەموی هەڵەیە.
4- دکتۆر من هەموو ساڵێک گرانەتا دەگرم ئەوە سەد لە سەد هەڵەیە.
5- نابێت ماست و پەنیر بخۆم لەبەر گرانەتا ئەو قسەیە هیچ ئەساسێکی عیلمی نییە چونکە گرانەتا بەهەموو خواردن و خواردنەوەک دەگوازرێتەوە.
6- ئافرەتێک تۆزێک لەشی دێشی یان تۆزێک لەشی گەرم دادێت بەهۆی وەستانی سووری مانگانەی دوای تەمەنی 45 ساڵ دەچێتە یەکێک لە تاقیگەکان فەحسێکی دەرەجەی گرانەتا ی لۆ دەکەن کەوەک باسم کرد لە خاڵی 3 کە سەد لە سەد هەڵەیە دەرزی و دەرمان بە خۆڕایی وەردەگرێت. [1]