هەندێک کەس هەمیشە وا هەست دەکەن کە سەرمایانە هەرچەند پلەی گەرمی ئاسایی بێت و حەزیان لە شوێنی گەرمە و کۆمەڵێکی تریش بە بەردەوامی ئەو هەستەیان هەیە کە تەنیا دەست و قاچیان ساردە.
دکتۆر #کامەران ژاژڵەیی#، پسپۆڕی زانستی خۆراک گرنگترین هۆکارەکانی خستوەتەڕوو لەگەڵ شێوازی چارەسەرکردنی.
$گرنگترین هۆکارەکانی:$
1- سستی غودەی دەرقی؛ ئاستی هۆرمۆنی غودەی دەرقی لە ڕێژەیی ئاسایی کەمترە.
2- کەم خوێنی؛ هۆکاری زۆرە لەوانە کەمی ماددەی ئاسن، فۆلیک ئەسید، ڤیتامین B12، زینک، خوێنبەربوون، نەخۆشییە درێژخایەنەکانی وەک سستی یان وەستانی گورچیلە، شێرپەنجە.
3- کۆنیشانەی ڕاینوێد.
4- دابەزینی فشاری خوێن.
5- دڵەڕاوکێ و قەلەقی و فشاری دەروونی.
6- نەخۆشی شەکرە بە تایبەت پاش چەند ساڵێک لە تووشبوونی یان کاتێک کۆنتڕۆڵ نەکرا بێت بە باشی.
7- لاوازی و کەمی کێش بە تایبەت بەهۆی نەمانی ئیشتهای عەسەبی.
8- بوونی کێشە لە خوێنبەرەکان وەک نەخۆشی تەسکبوونەوەی خوێنبەرەکان.
9- کەمی کانزا و ڤیتامینەکان؛ وەک کەمی ماددەی مەگنسێوم، کەمی ماددەی ئاسن، کەمی ڤیتامین B12 و B3.
10- تێکچونی ئاستی هۆرمۆنی ئیسترۆجین لە خانمان دا.
$شێوازی چارەسەرکردنی:$
دەستنیشان کردنی هۆکارەکانی و چارەسەرکردنی بە شێوەی زانستی و گونجاو پاش پشکنینی نەخۆش لە لایەن پزیشکەوە و ئەنجام دانی پشکنینی خوێن و تیشک بە گوێرەی حاڵەتەکە. [1]