کەڵەشاخی موگناتیسی (الحجامة المغناطيسية) (Magnetic Cupping) لە جۆری کەڵەشاخی وشکە، پسپۆڕان باسیان لێوەکردووە، کەوا بۆ چارەسەری هەندێ نەخۆشی بەکاردێت و سوودی لێوەردەگیرێت.
کەڵەشاخی موگناتیسی، بەسوودە و چارەسەرە بۆ نەخۆشی ڕۆماتیزم، سەوەفان، ئاوسانی جومگەکان، بەرزە فشاری دەروونی، ئازار کەم دەکاتەوە بەهۆی ماندوبوونی ماسوولکەکان، بۆ پێکانی یاریزانە وەرزشییەکان بەسوودە و ئازار ناهێڵێت.
ئەوەی کە گرنگە بیزانیت ئەوەیە کەڵەشاخی موگناتیسی، نابێ ئەو کەسانەی ئامێری دڵیان بۆ دانراوە، بۆیان بەکاربێت، یا ئەو کەسانەی نەخۆشی دڵیان هەیە، نابێت زیاد لە پێویستی خۆی بۆیان بەکاربێت.
هەروەها کەڵەشاخی موگناتیسی تەنیا ئازار شکێنێکی کاتییە، بەڵام کەڵک و گرینگی خۆی هەیە بۆ چارەسەری ئەو نەخۆشیانەی باسمان لێوەکرد و ئاماژەمان پێدان. [1]