باسو هەرەکەی کەردۍ.
مەڵڵا نەسرەدین، ئەشناسایا بە مەلای مەشهوورە، شەوێشا چەنی ژەنەکېش کەوتۍ باسو خواسو ژەنئاردەی پەی کوڕەکەیشا، ژەنەکېش ماچۆ: ئیتر کوڕەکەما گۆرە بېیەن، وەختو ژەنېشا، بەڵام مەڵڵا نەسرەدین دەسشکەرد بە ملەجېڕۍ، واچۍ: ئېمە دەسما کوڵا، هیچما نېیەن، بە چېش ژەنیش پەی بارمۍ؟
ژەنەکېچش ماچۆ: پەی خەرجی ئاهەنگی و تەدارەکی، هەرەکەی ورەشە، چەنی مەڵڵای پەی ماوێ کەوتۍ واتەوگوشگېرتەی، باسۍ تەرۍ ئامێ دلۍ، ژەنئاردەکەیشا ویرشیۆ.
کوڕەکەشا کە هەڵای چېرو لېفەکەیشەنە گۊشش گېرتەبۍ، پەی ئانەی ویرشا بارۊوە، لېفەکەش لادا، سەرەش زنیۆ و ماچۆ:
تاتە، ئانە چی باسو هەرەکەی مەکەردۍ.[1]