بەرنیاس ترین خوشنڤیس بوویە ل وڵاتێ تورکیا، ناڤێ وی موسا عەزمی یە، ل ساڵا 1891 ێ ل باژێڕێ #ئامەد#ا باکوورێ کوردستانێ ژدایک بوویە. ناڤێ وی یێ تمامی مووسا عەزمی یێ کوڕێ زولفیقار ئاغایە. ئەو خوش نڤیسیا خەتێ ڕوقعەیێ ل دەف مستەفا ئاکەف و خەتێ نەسخی یێ ل دەف حیلمی ئەفەندی و خەتێ تەعلیقێ لدەف ئەفەندی فێر بوویە و شاگردێ وانا بوویە. ل مزگەفتا شیشلی یا باژێڕێ #ئیستانبول#ا #باکوورێ کوردستان#ێ بەرهەمێن خوە هەنە.
دناڤا وان خونددکار و فێرخوازان ک ل مووسا عەزمی موڵەتا خوش نڤیسان وەرگرتییە، خوش نڤیسێ بەرنیاسێ عەرەبی هاشم محەمەد بەغدای، دوو جاران ڕێ پێ هاتیە دان، ڕێپێدانا ئێکەمین ل ساڵا 1370ی کوچی ئان کو 1950یا زایینی و یا دووهەمین ل ساڵا 1372ی کۆچی ئان کو / 1952ی زایینی دە بوویە، ب موڵەتا گشتی، دەمێ کوو ئەلبەغدای وەغەرا داویێ کر، خوش نڤیس حەمید ئامەدی وتەیەکە بناڤ و بانگ هەیە کوو دبێژیت (خەت ل ئیراقێ ژدایک بوویە و هەر لوێرێش مرییە)، هەروەسا ڕێپێدان ب خوش نڤیسێ ئیراقی مەهدی جبووری دایە ل ساڵا 1396ی کۆچی ئان کو 1976یا زایینی دە.
پشتڕە موسا عەزمی دەست دکەت ب کارکرن ل چاپخانەکێ بناڤێ خەتاتیا حەمید و ئەرکێن چاپخانێ گرتنە سەر ئەستۆیێ خوە، کو خودیێ وێ عارف حیکمەت بەی بوو و پشتی مرنا عارف کەتە سەر ناڤێ خێزانا وی بناڤێ ئیدیلە، پشتڕە موسای تەڤی ئیلدیەیێ ژیانا هەڤژینی یێ پێک ئانی و بوونە هەڤبەشی بازگانی و ژیانا نوو. بو هەیامەکێ درێژ ل بوارێ خوشنڤیسیێ و کارێ چاپخانێ بهەڤڕە بوون،
هێدی هێدی تەڤی ئیدیلێ ژێک دیر کرتن و ل ساڵا 1960ێ ژێک جودا بوون، نەچار بوو چاپخانێ دابخەت پشتی ڤێ ڕیدانێ ژیانا وی دێ تاڵ بتن و ل ژوورەکە تاری و بێگەرد ل مێهڤانخانەیا ڕەشید ئەفەندی دێ نیشتەجێ بتن و هەمی ژیانا خوە ژبو نڤیسینێ دێ تەرخان بکەت هەیا ساڵا 1980 بێ ڕاوەستان یێ نڤییسی. ماموستایێ ساڵێن ئەخیریا ژیانا خوە ب نەساخیا تمام کرن، موسا عەزمی ل باژێڕێ ئیستانبوڵێ و ل ڕێککەفتا #18-05-1982# وەغەرا داویێ کرییە، لدەف خوش نڤیس حەمدوڵڵایێ عاماسی، ل گۆڕستانا ئەبو ئەیووبێ ئەنساری هاتییە بخاک سپاردن.[1]