ل پاییزا ساڵا (1952) ل باژێڕێ #سنە# یا #ڕوژهەڵاتێ کوردستان#ێ ژدایک بوویە، ل ساڵا (1971) دبیتە مامۆستا ل قوتابخانەیەکە ڤی باژێڕەی، ل ساڵا (1972) سترانا سەبری گوڵ فروش و دوێنێ شەو خەوم دی تۆمار کرینە، پشترە ب ئەگەرا بارودۆخێ وی سەردەمەی یێ کۆمەڵایەتی ل هونەر و ستران گوتنێ دێ دیر کەڤت، ل ساڵا (1975) ژیانا هەڤژینی یێ پێکهینا ە ل ساڵا (1989) وڵاتێ ئێرانێ بەرەف هەندەران بجﮪ دهێلیت و هەیا نها ل وڵاتێ بریتانیا ژیانا خوە بسەر دبەت، ل ساڵا (1996) ژئالێ تەلفزیۆنا ئاسمانی یا میدیا دێ هێتە بانگهێشت کرن کوو ڤەگەڕێت دناڤا جیهانا هونەری و کارێ خوە یێ بەرێ دەست پێ بکەتن، ئەو ژی ژئالێ خوەڤە بڕِیار ِددەت کوو دەست بکارێ هونەری گووتنا سترانان بکەتەڤە و هەیا نها لسەر وێ کارەی یا بەردەوامە و پشتی کوو سێ ئەلبومێن سترانا بەرهەم هینان بناڤێن یادی یاران ل ساڵا 2000، بۆ تۆ کوردستان ل ساڵا 2003، دووری ل ساڵا 2007 کوو هەمی ئەڤ بەرهەمە ب هەڤکارییا هونەرمەندێ موزیک ژەن و ئاواز دانەر بورهانێ موفتی زادە بوون.
شەھێن تاڵەبانی، د هەڤدیتنەکێ دە تەڤی کەنالێ راگهاندنێ ل ساڵا 2019 دیار کر کوو هەیا نها چار بەرھەمێن نو ھەنە، ئەگەر پێڕا بگەهم کارێن وانا تمام بکەم، سترانێن من یێن نوو ھەر ئێکە و ب ستایلەک هاتینە گووتن، ئەز توو جاران حەز ناکەم ب یەک ستایل سترانا ببێژم. شەھێن تاڵەبانی دبێژیت ئەز گەلەک پێ خۆشحاڵم ئەگەر ئاستێ کارێن من یێن ھونەری بگەهنە ئاستەکێ بەرز، بەلێ ئەو ھونەرێ کو ئەز حەز دکەم ل کوردستانێ بهێتە نیشان دان نایبینم، راستە ھونەرمەند زورن و زور سترانان دبێژن، بەلێ ئاستێ سترانان ئەو نییە کو ژبو گەلی کورد بمینیتن.
ئیماژە بوێ چەندێ ژی کر کوو ئەو کۆنسێرتێن کوو ھونەرمەندێن موزیک ژەن تەڤی ستران بێژان دابنیشن و میوزیکا جوان لێ بدەن ل کوردستانێ زور کێمن. ل دەربارێ دەمێ واز ھینان ل ستران و هونەرێ تاڵەبانی گوت: ھەر دەمێ کوو ھەست بکەم نکارم سترانان بێژم دێ ڕاوەستم.[1]
.