کوباری و نەفسا پۆز بلند
دێزدیاتیێ دا خۆ مەزنکرن و نەفسا پۆز بلند گونەهە و پۆشمانی یە، گەلەک جاران ژ نەفسا بلند و کوبار خەمساری و دل گرانی پەیدا بوویە. مرۆڤێ پۆز بلند یی بێ شەرم و بێ رەوشتە هەر گاڤا گۆتنەک نەب دلێ وی بت دێ هزرا خۆ تێک بەت و خۆ و هەڤال و دەردۆرێن خۆ شەرمەزارکەت ب زمانێ خۆ یێ هشک و بێ مەعریفەت. ژ ئەدەبێ دینێ ئێزدیان دایە دیارکرن و دبێژت:
ژ قەولێ دەرد و مەندە
هنجیێ نەفس کوبار و پۆز بلندە
ئەو دێ ل ئۆغلەما سلتان ئێزی بتن هندە.
رامان ژڤێ سەبقێ دبێژت:
کەسێ خۆ مەزن بکەت ل رۆژێن ئۆغلەمێن خاسا و رۆژێن جەژن و هەکەفتا و ل رێ و رسمێن پیرۆز یێن خاسان و عیدێن مێر و مەلەکا ئەو دبێ بەهرن و خۆ ڤەدشێرن و هەموو خەلک وان دناسن و دزانن ئەو جۆرە مرۆڤ د دوری ئیمانێنە و خۆ مەزن دبینن و بۆ وان ب گونەﮪ تێتە نڤیسین و مەزنکرن بەس بۆ خودێیە.
دباوەریا ئۆلا ئێزدیان دا هەر کەسێ خۆ مەزنەکەت و رێزێ ل هەر کەسی بگرت ئەو دبتە جهێ رێزی و خودێ ناسیێ، لەوما دئێزدیاتیێ دا دبێژن خۆ بۆ خودێ کنتکە دێ خودێ تە بلند کەت و هەر کەسێ خۆ مەزن کر دێ پۆشمانبت و ل رۆژا ئاخرەتێ دێ ناڤێ بۆ دۆزەخا کوبار و پۆز بلندا خونن و دێ بنە ناف پێتا ئاگری هەر وەکا ڤێ سەبەقێ ژ ئەدەبێ دینی گۆتی:
ئەڤە بوو کار و کوباریا تەکری
تو ب بلنگازا و علمێ خودێ نەد فەکری
دێ تەژی وەکا هەڤالا بەنە ناف پێتا ئاگری گوری .
پیر خەلات ئەلیاس [1]