پێشنیوەڕۆی ڕۆژی شەممە ڕێکەوتی #08-07-2023# لە سەلاحەددین #مەسعود بارزانی# لەگەڵ فراکسیۆنی #پارتی دیموکراتی کوردستان# لە پەڕڵەمانی کوردستان کۆبۆوە.
لە کۆبوونەوەکەدا سەرۆک بارزانی وتەیەکی پێشکەشی ئامادەبوان کرد و تێیدا سوپاسی ڕۆڵ و ماندووبوونی ئەندامانی فراکسیۆنی پارتی کرد و دەست خۆشی لێ کردن کە لەم خولەی پەڕڵەمانی کوردستاندا کارەکانی خۆیان بە باشی بەجێگەیاندووە و پابەندی ئەرکەکانیان بوونە. داواشی کرد بەردەوام بن لە ڕۆڵی خۆیان لە بوارە جیاجیاکان و خزمەتی کوردستان و پارتی بکەن. سەرۆک بارزانی جەختیشی لەوە کردەوە کە پارتی ئومێدی سەرەکیی خەڵکی کوردستانە و پێویستە پارتی پارێزەری بەرژەوەندییەکانی خەڵکی کوردستان و فەرهەنگ و ڕەوشتی بەرزی کۆمەڵگەی کوردستانی بێت.
هەر لە درێژەی قسەکانیدا سەرۆک بارزانی هێمای بە بارودۆخی سیاسیی کوردستان و ناوچەکە و پەیوەندییەکانی نێوان هەرێمی کوردستان و حکوومەتی فیدڕاڵ دا و پەیوەست بەم تەوەرانە، بەرچاوڕوونی و ئامۆژگاریی پێویستی خستەڕوو. [1]