=KTML_Bold=ترس و دڵەکوتە بۆچی دەبێتە هۆی ئەوە حەزت بۆ خواردن بچێت و زیادەڕۆیی بکەی لە خواردندا؟=KTML_End=
زۆربەی کاتەکان، بەتایبەت ئەو کاتانەی لە دۆخێکی نائاساییدای و دۆخی دەروونییت باش نییە، دەست دەکەی بە خواردن. بێگومان خواردن حاڵت باشتر دەکات و ئەم حاڵەتە لە دێرزەمانەوە لەناو مرۆڤەکاندا باوە و جۆرێک کاردانەوەیە بەرانبەر دۆخی نالەباری دەروونیی.
دەروونناسان ڕایان وایە، ئەم کاردانەوەیە و خواردنی خۆراکیی پڕ کالۆری لەو کاتەدا کاریگەریی لەسەر مێشک هەیە و بۆ مرۆڤ زۆر چێژبەخشە، بۆیە مرۆڤ ڕادێت لەسەری و لە حاڵەتی نائاسایی دەروونییدا مێشک داوای دەکات و مرۆڤ پەنا بۆ خواردن و خواردنەوە دەبات، کە ئەنجام و چێژەکەی کاتییە.
لە کاتی دڵەکوتەدا لەجیاتی پڕدانی خواردنەکان، وا باشترە هەوڵ بدەی بە وەرزشکردن و پیاسەی ڕۆژانە حاڵی خۆت باشتر بکەی، بچۆ ناو کۆڕی هاوڕێیەکانت و لەگەڵیاندا کات بەسەر ببە و تەنیا لە سووچێک دامەنیشە، گرنگیی بە خەوی شەوانەت بدە و ڕۆژانە یۆگا بکە و لەو کەسانە دوور بکەوە، کە وزەی نەرێنییان هەیە و ترس و دڵەکوتە دەکەنە دڵتەوە. [1]