بەش و بارت خێرە بۊ
بەشە، بە ماناو ئا ناعمەتا مەی هەکە خوڎا مەبەخشۊش بە بەڼەکاش، ڕوانە پەنەشان مەبەخشۊ، بڕێ جارېچ یان واچمۍ ڕۊی چامنەیچ هەن هەکە بەشەو ئینسانی دەردە و ئازار و زەحمەتین، کە ئانەیچە پەی وېش هەر ناعمەتەن، بەڵام ئېمە درکش پەنە نمەکەرمۍ. ئینە پېسە ئیدیۆمێ بەکارمێ جە بارێ نیمە ناڕازیەنە، یام جە بۍ دەسەڵاتیېنە.
پەی نموونەی زاروڵێوە کەتنێ گولانۍ کەرۊن، تاتەکەش تووڕە نمەبۊ چەنەش، بەڵام جە وەشەویسیېنە پەنەش ماچۊ: بەش و بارت خێرە بۊ، ئانە چی پاستە کەرد. بڕێ جارېچ دمای قۊمیایێ ماچیۊن، پەی نموونەی نەفەرێ تووشو جەنگێ مەبۊ، زامڎار کریۊ، دمایی ڕەفېقێش هەواڵەکەی مژنەوۊ، یەکسەر ماچۊ ئەی بەش و بارت خێرە بۊ، دەی چی کژیان، یام چی زوو نەواتەنتا با بلوو پەی هەواڵ پەرسیش.[1]