لگورەی رێڤەبەراتیا چاندنا پارێزگەهێن هەرێما کوردستانێ، رێژەکا زۆر ژ بارانێ ل دەڤەرێن جودایێن هەرێما کوردستانێ باریە و جووتیار دشێن مفای ژێ وەرگرن بۆ چاندنێ.
هێمن موراد، رێڤەبەرێ چاندنا پارێزگەها هەولێرێ راگەهاند: رێژا باش ژ بارانێ باریە، دێ بیتە ئەگەر کۆ بشێن گەنم و جەهی بچینن، ژبەرکۆ 40 ملم باران بباریت دێ یا گونجایی بیت بۆ چاندنا گەنم و جەهی.
گوتژی، نوکە نەشێین بێژین ئەو بارانا کۆ باری بۆ ئەڤ سالە هشکەساڵی دەربازکریە، ژبەرکۆ پێتڤیە جاروبار باران بباریت، ب تایبەتی د وەرزێ بهارێ و هەیڤا دوماهیکێ ژ بهارێ وی دەمی دشێین هشکەسالیێ دەستنیشان بکەین.
ئەحمەد جەمیل رێڤەبەرێ گشتیێ چاندنا دهوکێ راگەهاند، دەمێ گونجایە بۆ چاندنا گەنم و جەهی، پشکەکا زورا جووتیاران گەنم و جەﮪ یێ چاندی و ئەڤ بارانە ژی ب سەردا هاتیە، دێ گەلەک باشتر بیت ژ سالا بووری.[1]