ناڤ: هانی
ناسناڤ: موجتەهیدی
ساڵا ژدایکبوونێ: #1980#
جهێ ژدایکبوونێ: #سنە#
$ژیاننامە$
هانی موجتەهیدی ژدایکبوویا ساڵا 1980 ل باژێڕێ سنە یا ڕوژهەڵاتێ کوردستانێ، ژیانا هەڤژینی پێک ئانییە لێ دڤێ پرۆسەیێدە یا سەرکەتی نەبوویە و تەڤی هەڤژینێ خوە ژ ئێک جودا بووینە و خوەدیا دوو زارۆکانە، کوڕەک و کچکەک، کو نها دگەل وێ بخوە دژین و هنەک جاران ژی سەردانا بابێ خوە دکەن، ل قوناغا دەستپێکی یا خوەندنێ ل باژێڕێ سنە بوویە هەیا دەمێ کوو ژیێ وێ گەهایە گەنجاتیێ، هەر ل زاروکی دە هانی هۆزان و ئاواز نڤیسینە و دەستێ وێنە کێشانێ هەبوویە و دئەنجام دانا شانۆگەریان دا ژی یا پشکدار بوویە و ل ساڵا 2000 دەست کرییە ب گوتنا سترانان و چالاکی یێن زۆر ئەنجام داینە، ل وڵاتێ ئیرانێ ل ئەکادیمیایا تایبەت خوەندییە و ئەو هونەر و موزیک و سترانێن کوو فێر بوویە ل خزمەتا نیشتمانا خوەدە بکار ئانییە، هەروەسا هەر لوی سەردەمەیدە بوویە کوو تەڤی چەند کەچکێن دن یێن هەڤالێن خوە گروپەکە هونەری یا تایبەت ب کچکان درووست کرینە کو ب هەموو باژێڕ و باژێڕکێن کوردستانێ دە دگەڕیان و چالاکی یێن هونەری ئەنجام داینە و ناڤێ (ڤیان) ل گروپا خوە یا هونەری دەینایە ، هانی ژی وەکە ستران بێژ دناڤا گروپێ دە یا بەشدار بوویە، ئەڤ گروپە و کارێ ستران گوتنێ تەڤی گروپا هەنێ ب دەستپێکا کارێ هونەری یێ هونەرمەند هانی تێ هەژمار کرن. ساڵا 2004ێ بەرێ خوە دایە هەندەران و بەرەڤ وڵاتێ ئەڵمانیا کۆچ کرییە.
هانی خوەدییا چەند ئەلبوومەکانە،ل وانا ئەلبووما ئێکەم ب ناڤێ سەندرێلا کو ل ساڵا 2009 کەتە بەردەستێ گوهدارێن وێ و یا دووهەم ب ناڤێ دایک ل ساڵا 2010 کەتە دناڤا بازارێ هونەرێ کوردیدە.
هانی زور حەژێ کەرا هونەر و شانۆیێ یە و ل چاڤپێکەتنەکە تەلەڤزیونی دە دبێژیت: خوشترین دەمێن ژیانا من ئەو وەختن کو ئەز لسەر تەختەیا شانۆیێ یا وەستیایمە و سترانان ژبو ڕونشتەڤان و گوهدارێن خوە پێشکەش دکەم. [1]