ئافەرین نیلا گیان
وەقتیە شێعرەو نۆرۊزەو مامۊسا سەیدی جە زوانی نیلای نۆ ساڵێ ئازیزێموە جەوەر موانیەوە، پەیامیە گۆرە چەنی ویش جاڕ مەو،
پەیامەو دەستپەنە کەردەو قۆناغیێ تازێ و دمائاماو قۆناغیە کۆنێ.
پەیامیە کە ماچۊ، وەنەو بارئاماو کناچا جە نیشتمانەو ئېمەنە عەیب نېیەن و ڕووجە گەشەین،
پەیامیە کە پەڕەن جە هاوارەو شوناسواستەی،
جاڕیە کە ماچۊ ها گۊش گېردێ، سەیدی هەڵای زیندەن، شێعرەش هەنە ئەوپەڕەو ڕېز و شکۆ و بەرزینە،
پەیامیە کە ماچۊ هەڵای زانست و ئەدەب و شێعرە و هونەر، جە لاو نەوەو زانا کەڵسوارەکاو تەختەیوە و چی نیشتمانەنە قەیرش هەن.
هاواریە کە ماچۊ، هەتا زاڕۆڵەیە چی وڵاتەنە مەنەبۊ، ئاورەو نۆرۊزیچ بڵېسەش مەی.
ئیدریس پیری.[1]