سەرمۆرد گوندێکی شارەدێی #سوورداش#ی شارۆچکەی #دوکان#ی پارێزگای #سلێمانی#یە لە باشووری کوردستان. ئەم گوندە هەر لە کۆنەوە هەبووە، خەڵکێکی باش و بە ڕەوشت لێی نیشتەجێبوون، بەڵام بەهۆی بەرەوپێشچوونی دونیاوە ئێستا زۆر بە کەمی تیای دادەنیشن خەڵکەکەی زیاتر نیشتەجێی شارەدێی #پیرەمەگروون# بوون وە سەرەڕای ئەوەش هێشتا هەر چەند ماڵێکی لێیە، لە کۆنەوە خەباتیان هەبووە بەتایبەت لە سەردەمی ڕژێمی #بەعس# کەسانی بەرخۆدەربوون و چەندین شەهیدیان داوە، دانیشتووانەکەی بەبەهێزی و غیرەتی ناویان هەیە، چونکە هەر لە کۆنەوە بەرەو ڕووی مەترسییەکان ڕۆیشتوون، وە هەروەها خەڵکی ئەو گوندە هەموو شاخەوانن کەسانی میواندۆستن، گوندی سەرمۆرد شاخەکانی زۆر بەرز و سەرکەشن. گوندی سەرمۆرد ناوچەیەکی بەپیتە، بەرهەمی ترێی زۆرە، بەهۆی دیمەنی سرووشتە جوانەکانی خەڵکی ئاسایی و بەتایبەت شاخەوانەکان ڕووی تێ دەکەن
$جوگرافیا$:
بەرزایی لە ڕووی دەریاوە: 1035 مەتر (3,396 پێ)
سەرمۆرد لە باکوور ھاوسنوورە لەگەڵ گوندی #قەڵام پاشا# و لە باشوور لەگەڵ گوندی #کانی خان# و لە ڕۆژھەڵات لەگەڵ گوندی #مەیدان# و لە ڕۆژاوا لەگەڵ شارۆچکەی دوکان. [1]