نامۍ: عەباس
نازنام: جەڕاح
نامۊ تاتەی: حەمەکەریم
ساڵۊ پېڎابېیەی: 1927ز
ساڵۊ مەرڎەی: 1998ز
یاگۊ پېڎابېیەی: #هانەوقوڵی_هۆرامان#
یاگۊ مەرڎەی: #خورماڵ#

$ژیۋاینامە$
کۆن حاجی عەباس جەڕاحی ئەندام
خامجاوم ئاردەن مەڕیان دەسو پام
عباس حەمەکەریم وەیس ساڵەو (1927ز) جە دەگاو هانەوقولی جە ئەڎێ بېیەن، هەر ئەچاگە ژیوان هەتاکو وەختو ئەرەگېرتەی دەگایەکا.
حاجی عەباس پیێوە وەش کەلام و لەفز شیرین وقەوم دۊس و پیا ماقوڵ و دەس ڕەنگین بېیەن.
حاجی عباس ساڵەو (1972ز) لوان پەی سەفەرو حەجی، خوڎای گۆرە چەنەش قبوڵ کەردەبۊن، ئیشەڵڵا.
حاجی عباس بە جەڕاح ئەشناسیان، یۊ بیەن جە حەکیمو دەردەدارەکاو دەگاو هانەوقولی و دۆروبەریش و هۆرامان بە هەلەبجەو حەوزەو شارەزووریشۆ، سەرەڕاو ئانەی کە خوڼەواریش نەبېیەن، حەکیمو دەردەدارا بېیەن، جە دەگاو هانەوقوڵینە چەنی جەڕاحیەکەیش دانساز بېیەن، ساڵەو (1974ز) هەتا کاتو وەفات کەردەیش. خوڎای گۆرە دما کەوتەکاش تەمەن دریژ کەرۊ. یاگۍ ڕېزو تەقدیرین باسش کەرمۍ کاک مشیری کوڕش پیشەکەو تاتەیش (جەڕاحیەکە) پەرەش پەنە دان، دەسبەردارش نەبېیەن، تەمەناو سەرفرازیش پەی مەوازمۍ پەی ئا کارە خێرۆمەڼیێشە.
حاجی عباس ساڵەو (1998ز) وەفاتش کەردەن، هەر جە ناحیەو خورماڵی ئەسپەردە کریان. جە خوڎای گۆرەی داواکارېنمۍ بەفیردەوسی ئەعلا شاڎش کەرۊنە.[1]